Video: દેવમાં છઠ્ઠ પૂજાની ધૂમ

બિહારના ઔરંગાબાદ જિલ્લાના દેવમાં છઠ્ઠ પૂજાને લઈને ભક્તિનો માહોલ જોવા મળ્યો હતો. અહીં આવેલા સૂર્યકુંડ અને રુદ્રકુંડ ખાતે મોટી સંખ્યામાં શ્રદ્ધાળુઓ ઉમટી પડ્યા હતા. છઠ્ઠ મહાપર્વના અવસરે વ્રતધારીઓએ અસ્ત થતા સૂર્યદેવને સંધ્યા અર્ઘ્ય અર્પણ કર્યું હતું. પરંપરાગત વિધિ સાથે શ્રદ્ધાળુઓએ સૂર્યદેવની પૂજા-અર્ચના કરી પરિવારની સુખ, સમૃદ્ધિ અને સુખાકારી માટે પ્રાર્થના કરી હતી. સમગ્ર કુંડ પરિસરમાં ભક્તિ અને આસ્થાનો માહોલ છવાયો હતો. છઠ્ઠ પૂજાને લઈને ભક્તોમાં ભારે ઉત્સાહ જોવા મળ્યો હતો.