VIDEO: સ્પોર્ટ્સ વિઝન હવે માત્ર મેડલ પૂરતું નહીં, 'વિકસિત ભારત'નું મુખ્ય આધારસ્તંભ: PM નરેન્દ્ર મોદી
છેલ્લું અપડેટ : 27 Aug 2026
વડાપ્રધાન નરેન્દ્ર મોદીએ દેશના રમતગમત વિઝન અને ઐતિહાસિક વારસા અંગે મહત્વપૂર્ણ સંબોધન કર્યું છે. તેમણે સ્પષ્ટ કર્યું છે કે ભારત માટે ખેલજગતનો અર્થ માત્ર મેડલ જીતવા પૂરતો મર્યાદિત નથી, પરંતુ તે દેશની યુવાશક્તિ અને રમત ક્ષમતાને એકત્રિત કરીને 'વિકસિત ભારત'ના નિર્માણનું એક મોટું રાષ્ટ્રીય અભિયાન છે.
15મી ઓગસ્ટે લાલ કિલ્લા પરથી નવો રોડમેપ
લાલ કિલ્લા પરથી રાષ્ટ્રને સંબોધતા વડાપ્રધાને દેશના રમતગમત ક્ષેત્રને નવી ઊંચાઈઓ પર લઈ જવા માટેનો રોડમેપ રજૂ કર્યો હતો. તેમના જણાવ્યા મુજબ, યુવા શક્તિની ઊર્જા અને રમતોમાં ભારતનું વધતું કૌશલ્ય રાષ્ટ્રના સર્વાંગી વિકાસમાં મુખ્ય ભાગ ભજવશે.
મેજર ધ્યાનચંદ અને 100 વર્ષ જૂના ભારત-ન્યૂઝીલેન્ડ સંબંધો
આ અવસરે પીએમ મોદીએ હોકીના જાદુગર ગણાતા ભારતમાતાના મહાન સપૂત મેજર ધ્યાનચંદને ખાસ યાદ કર્યા હતા. પીએમ મોદીએ કહ્યું કે, આજથી બરાબર 100 વર્ષ પહેલાં ભારતીય સેનાની હોકી ટીમ ન્યૂઝીલેન્ડના પ્રવાસે ગઈ હતી, જેમાં મેજર ધ્યાનચંદ પણ ટીમનો ભાગ હતા. આ પ્રવાસે ભારત અને ન્યૂઝીલેન્ડ વચ્ચેના 100 વર્ષ લાંબા ખેલ સંબંધોની મજબૂત આધારશિલા મૂકી હતી. મેજર ધ્યાનચંદના યોગદાનને યાદ કરીને તેમણે જણાવ્યું કે ભારતનો રમતગમતનો ઇતિહાસ અત્યંત ગૌરવશાળી અને વૈશ્વિક સંબંધોને મજબૂત કરનારો રહ્યો છે.
