Video: દિવાળી પર્વે ગધેડા અને ખચ્ચરોનું વેચાણ

મધ્ય પ્રદેશના ધાર્મિક નગરી ચિત્રકૂટમાં દિવાળીના પવિત્ર પર્વ પ્રસંગે મંદાકિની નદીના કિનારે ઐતિહાસિક ગધેડા મેળાનું આયોજન કરવામાં આવ્યું હતું. મુગલ કાળથી ચાલતી આ પ્રાચીન પરંપરા મુજબ આયોજિત મેળામાં દેશના વિવિધ રાજ્યોમાંથી મોટી સંખ્યામાં વેપારીઓ અને પશુપાલકો ભાગ લેવા પહોંચ્યા હતા. મેળામાં હજારોની સંખ્યામાં ગધેડા અને ખચ્ચરોની ખરીદી તથા વેચાણ માટે ખરીદદારોની ભારે ભીડ જોવા મળી હતી. આ મેળો સ્થાનિક સંસ્કૃતિ અને આર્થિક ગતિવિધિઓનું એક અનોખું કેન્દ્ર બન્યો હતો, જ્યાં વિવિધ જાતના પશુઓની બોલી બોલાઈ હતી અને લાખોનો વેપાર થયો હતો.