Video: કલબુર્ગીમાં આરએસએસનું પથ સંચલન

કર્ણાટકના કલબુર્ગી શહેરમાં રાષ્ટ્રીય સ્વયંસેવક સંઘ દ્વારા વિજયાદશમી ઉત્સવ નિમિત્તે ભવ્ય અને શિસ્તબદ્ધ 'પથ સંચલન'નું આયોજન કરવામાં આવ્યું હતું. પૂર્ણ ગણવેશમાં સજ્જ સેંકડો સ્વયંસેવકોએ ઘોષના તાલ અને શિસ્ત સાથે શહેરના મુખ્ય માર્ગો પર માર્ચ પાસ્ટ કરી હતી. વિજયાદશમીના પાવન પર્વે આયોજિત આ કાર્યક્રમ દરમિયાન સંઘના વરિષ્ઠ પદાધિકારીઓએ વિજયાદશમીના મહત્વ, રાષ્ટ્રભક્તિ, સંસ્કૃતિનું રક્ષણ અને સામાજિક એકતા અંગે માર્ગદર્શન આપ્યું હતું. આ પથ સંચલનને જોવા માટે રસ્તાની બંને બાજુએ નાગરિકોની મોટી ભીડ જામી હતી, જેમણે સ્વયંસેવકો પર પુષ્પવર્ષા કરીને ઉત્સાહપૂર્વક તેમનું સ્વાગત કર્યું હતું. સ્થાનિક પોલીસે કાર્યક્રમ દરમિયાન સુરક્ષા અને વ્યવસ્થા જાળવી રાખી હતી.