VIDEO: ઓડિશાના ભુવનેશ્વરમાં ડ્રેનેજમાં ફસાયેલા વ્યક્તિને બચાવવા માટે યુદ્ધના ધોરણે રેસ્ક્યુ ઓપરેશન શરૂ
છેલ્લું અપડેટ : 05 Jul 2026
સોર્સ : gstv
ભુવનેશ્વર, ઓડિશાના ઉત્કલ યુનિવર્સિટી કેમ્પસ નજીક કચરાથી ભરાયેલા નાળામાં એક વ્યક્તિ ફસાઈ જતા ચકચાર મચી ગઈ છે. ઘટનાની જાણ થતા જ સ્થાનિક વહીવટી તંત્ર અને બચાવ દળો તાત્કાલિક સ્થળ પર પહોંચી ગયા હતા. નાળામાં ભારે કચરો અને ગંદકીના કારણે વ્યક્તિને બહાર કાઢવામાં મુશ્કેલી પડી રહી છે. ફાયર બ્રિગેડ અને એનડીઆરએફની ટીમ દ્વારા સંયુક્ત રીતે રેસ્ક્યુ ઓપરેશન હાથ ધરવામાં આવ્યું છે. આસપાસના વિસ્તારમાં લોકોની ભીડ એકત્રિત થઈ ગઈ હતી, જેના કારણે પોલીસ દ્વારા સુરક્ષા વ્યવસ્થા કડક કરવામાં આવી છે. અધિકારીઓ દ્વારા જણાવવામાં આવ્યું છે કે બચાવ કામગીરી ઝડપથી પૂર્ણ કરવા પ્રયાસો ચાલુ છે. સ્થળ પર તબીબી ટીમ પણ તૈનાત કરવામાં આવી છે જેથી વ્યક્તિને બહાર કાઢ્યા બાદ તરત સારવાર આપી શકાય. સમગ્ર વિસ્તારમાં તણાવ અને ચિંતાનો માહોલ જોવા મળી રહ્યો છે.
