દિલ્હીના રાજેન્દ્ર નગર સ્થિત દુર્ગા મંદિરમાં રાજ્યસભા સાંસદ રાઘવ ચઢ્ઢાએ વિશેષ પૂજામાં ભાગ લીધો હતો. વડાપ્રધાન નરેન્દ્ર મોદીએ સતત સૌથી લાંબા સમય સુધી ચૂંટાયેલા વડાપ્રધાન તરીકે સેવા આપવાનો રેકોર્ડ બનાવતા આ ધાર્મિક કાર્યક્રમ યોજાયો હતો.મંદિર પરિસરમાં વૈદિક મંત્રોચ્ચાર વચ્ચે પૂજા-અર્ચના કરવામાં આવી હતી. કાર્યક્રમ દરમિયાન દેશની પ્રગતિ, સમૃદ્ધિ અને જનકલ્યાણ માટે પ્રાર્થના પણ કરવામાં આવી હતી. મોટી સંખ્યામાં ભક્તો અને સ્થાનિક લોકો પણ આ પ્રસંગે હાજર રહ્યા હતા.રાઘવ ચઢ્ઢાએ મંદિર ખાતે દર્શન કરીને પૂજામાં સહભાગીતા નોંધાવી હતી. કાર્યક્રમના દ્રશ્યોમાં ધાર્મિક વિધિઓ, પૂજા-અર્ચના અને મંદિરમાં ઉપસ્થિત શ્રદ્ધાળુઓ જોવા મળ્યા હતા.વડાપ્રધાન મોદીના રાજકીય જીવનની આ મહત્વપૂર્ણ સિદ્ધિને લઈને દેશના વિવિધ ભાગોમાં અભિનંદન કાર્યક્રમો અને ધાર્મિક આયોજનો પણ યોજાઈ રહ્યા છે.