PM વિરુદ્ધ અભદ્ર ભાષા વાપરનારાઓ સામે એક્શનની તૈયારી, દિલ્હી પોલીસે અનેક X હેન્ડલ્સ અને ન્યૂઝ પોર્ટલ્સને મોકલી નોટિસ
છેલ્લું અપડેટ : 29 Jul 2026
દિલ્હીમાં યોજાયેલા વિદ્યાર્થી આંદોલન (Students Protest) દરમિયાન દેશના વડાપ્રધાન નરેન્દ્ર મોદી અને સુરક્ષા દળો (Forces) વિરુદ્ધ અભદ્ર ભાષા અને અપશબ્દોનો ઉપયોગ કરનારાઓ સામે દિલ્હી પોલીસ (Delhi Police) કડક મૂડમાં આવી ગઈ છે. વાયરલ વીડિયો અને વિવાદિત સામગ્રી શેર કરનારા અનેક સોશિયલ મીડિયા એકાઉન્ટ્સ (Social Media Accounts) અને ડિજિટલ ન્યૂઝ પોર્ટલ્સને દિલ્હી પોલીસે નોટિસ પાઠવી વિગતો માંગી છે.
IFSO યુનિટ દ્વારા FIR નોંધી તપાસ શરૂ
દિલ્હી પોલીસની વિશેષ શાખા (Special Cell) હેઠળ કાર્યરત IFSO (Intelligence Fusion and Strategic Operations) યુનિટે આ મામલે કાનૂની કાર્યવાહી શરૂ કરી દીધી છે. પોલીસે FIR No. 173/26 હેઠળ BNS Sec 351(3), 353(2), અને 356(2) મુજબ ગુનો નોંધ્યો છે.
પોલીસે હાથ ધરેલી કાર્યવાહીની મુખ્ય વિગતો:
કન્ટેન્ટ ડિલીટ કરવાનો આદેશ: જે X (Twitter) અને ઈન્સ્ટાગ્રામ (Instagram) હેન્ડલ્સ પરથી આ વિવાદિત વીડિયો સર્ક્યુલેટ (Circulate) કરવામાં આવ્યા હતા, તેમને તાત્કાલિક ધોરણે વીડિયો હટાવવા સૂચના આપવામાં આવી છે.
સોર્સની તપાસ: આ વીડિયો મૂળ ક્યાંથી આવ્યા, તેને અપલોડ કરનાર કોણ છે અને વીડિયોમાં દેખાતી વ્યક્તિઓ કોણ છે તે અંગે સત્તાવાર માહિતી માંગવામાં આવી છે.
ન્યૂઝ પોર્ટલ્સ સામે પગલાં: કેટલાક ડિજિટલ ન્યૂઝ પોર્ટલ્સ (News Portals) કે જેમણે આ સામગ્રી પ્રસારિત કરી હતી, તેમને પણ દિલ્હી પોલીસે નોટિસ ફટકારી છે.
વાયરલ વીડિયોમાં દેખાતી યુવતી અને X હેન્ડલ્સ સ્કેનર પર
વાયરલ થયેલા વીડિયો પૈકી એક વીડિયોમાં એક યુવતી પ્રધાનમંત્રી વિરુદ્ધ અત્યંત વાંધાજનક અને માનહાનિકારક શબ્દોનો ઉપયોગ કરતી જોવા મળી રહી છે. પોલીસે આ યુવતી તેમજ કન્ટેન્ટ વાયરલ કરનારા તમામ એકાઉન્ટ હોલ્ડર્સની ઓળખ છતી કરવા ચક્રગતિમાન કર્યા છે.
ઉલ્લેખનીય છે કે, બંધારણીય હોદ્દેદારો (Constitutional Heads) વિરુદ્ધ આવી અપમાનજનક ટિપ્પણીઓ અને ડિફેમેટરી કન્ટેન્ટ (Defamatory Content) ફેલાવવા બદલ દિલ્હી પોલીસે અગાઉ 'X' (Twitter) ના સત્તાવાર અધિકારીઓને પણ પત્ર લખીને તમામ ટેકનિકલ માહિતી અને આઈપી એડ્રેસ (IP Address) પૂરા પાડવા જણાવ્યું હતું.
જંતર-મંતર પર ચાલી રહેલું આંદોલન પૂરું થયા બાદ એક્શન
દિલ્હીના જંતર-મંતર (Jantar Mantar) ખાતે વિદ્યાર્થીઓ દ્વારા ચલાવવામાં આવી રહેલું વિરોધ પ્રદર્શન તાજેતરમાં 25 જુલાઈ ના રોજ સમાપ્ત થયું હતું. આ પ્રદર્શન દરમિયાન જ પીએમ મોદી અને પોલીસ ફોર્સ વિરુદ્ધ ભડકાઉ અને વાંધાજનક નિવેદનો આપતા વીડિયો સામે આવ્યા હતા.
આંદોલન કેમ સમાપ્ત થયું?
કેન્દ્રીય શિક્ષણ મંત્રી ધર્મેન્દ્ર પ્રધાને (Dharmendra Pradhan) પોતાના પદ પરથી રાજીનામું આપ્યા બાદ આ પ્રદર્શન પૂરું કરવાનો નિર્ણય લેવાયો હતો. સરકાર દ્વારા કોકરોચ જનતા પાર્ટી (CJP) ની ૩ મુખ્ય માંગણીઓ સ્વીકારી લેવામાં આવી હતી:
શિક્ષણ મંત્રીનું રાજીનામું (Resignation).
આત્મહત્યા કરનાર વિદ્યાર્થીઓના પરિવારજનોને ₹1 કરોડનું વળતર (Compensation).
આંદોલનકારીઓ અને આયોજકો સામે નોંધાયેલા તમામ કેસો પાછા ખેંચવા (Withdrawal of Cases).
આંદોલન સમેટાઈ ગયું હોવા છતાં, દેશના વડાપ્રધાન અને સુરક્ષા દળો વિરુદ્ધ ઉશ્કેરણીજનક ભાષા વાપરનારા અને કાયદો હાથમાં લેનારા તત્વો સામે દિલ્હી પોલીસ પોતાની તપાસ સઘન બનાવશે.
