પશ્ચિમ બંગાળ દુષ્કર્મ કેસમાં પોલીસે કર્યો મોટો દાવો, દિવસભર ચાલી આરોપીઓની પૂછપરછ

પશ્ચિમ બંગાળના દુર્ગાપુરમાં બનેલી ગેંગરેપની ઘટનામાં નવો ખુલાસો સામે આવ્યો છે. પોલીસે દાવો કર્યો છે કે પીડિત યુવતી ધરપકડ કરાયેલા આરોપીમાંથી એક સાથે રિલેશનશિપમાં હતી. પોલીસ તપાસમાં બંનેના વોટ્સએપ ચેટ સહિત અનેક પુરાવા મળ્યા છે.10 ઑક્ટોબરે જ્યારે આ ઘટના બની ત્યારે પીડિતા તે વ્યક્તિ સાથે કોલેજ પરિસરથી બહાર ગઈ હતી. 

આ પણ વાંચો :

Bengaluru stampede : નાસભાગમાં મૃત્યુ કેવી રીતે થાય છે? જાણો વૈજ્ઞાનિક કારણો અને બચવાની રીત

Bengaluru stampede caseમાં મોટું અપડેટ: KSCA ના બે અધિકારીઓએ આપ્યા રાજીનામા

પીડિત યુવતી આરોપીની ગર્લફ્રેન્ડ હતી   

રિપોર્ટ પ્રમાણે એક પોલીસ અધિકારીએ જણાવ્યું કે જે આરોપીને સૌથી છેલ્લે ધરપકડ કરવામાં આવ્યો તે પીડિતાનો સાથી વિદ્યાર્થી હતો. પીડિત યુવતી આરોપી સાથે રિલેશનશિપમાં હતી. ઘટનાની રાતે બંને ડેટ પર ગયા હતા. તેમના સંબંધો તેમના વોટ્સએપ ચેટ દ્વારા પણ જાહેર થયા હતા. તે સમયે અન્ય 3 ઠગીઓએ તેમનો પીછો કર્યો અને અચાનક હુમલો કર્યો.ત્યારબાદ આરોપીઓએ તેમની સાથે દુષ્કર્મ ગુજાર્યો.

જાણી જોઈને ગેરમાર્ગે દોરવાનો પ્રયાસ 

પોલીસ અધિકારીએ જણાવ્યું કે, આરોપીની પૂછપરછમાં જુદા-જુદા નિવેદનો સામે આવી રહ્યા છે. પીડિતા અને આરોપી બંને પોતાના નિવેદનો બદલી રહ્યા છે. એવું લાગે છે કે, પોલીસને ગેરમાર્ગે દોરવા જાણીજોઈને પીડિતા અને આરોપી પોતાના નિવેદનો બદલી રહ્યા છે. જેથી આગળની તપાસ માટે જંગલમાં ક્રાઇમ ઝોન પર નાકાબંધી કરી દીધી છે, સાથે ગુરુવારે જંગલમાં વધુ એક જગ્યાને સીલ કરવામાં આવી છે. પોલીસ અધિકારીએ જણાવ્યું કે દિવસભર, ધરપકડ કરાયેલા પાંચ આરોપીઓ અને પીડિતાના બોયફ્રેન્ડને અનેકવાર પૂછપરછ કરવામાં આવી હતી. એક તબક્કે, આરોપીઓને ઉલટતપાસ માટે રૂબરૂ પણ લાવવામાં આવ્યા હતા.