Video: તિરુચિરાપલ્લીમાં રસ્તા પર ખાડો

તમિલનાડુના તિરુચિરાપલ્લીમાં થિરુવાનાઈકોઈલના ગાંધી રોડ પર ફરી એકવાર મોટો ખાડો પડ્યો છે. ગટરલાઇન ક્ષતિગ્રસ્ત થવાને કારણે આશરે આઠ ફૂટ ઊંડો ખાડો સર્જાયો છે. આ જ સ્થળે પાંચમી વખત ખાડો પડતાં સ્થાનિકોમાં ચિંતા જોવા મળી રહી છે. રસ્તા પરથી પસાર થતા વાહનચાલકો અને રાહદારીઓ માટે જોખમ ઊભું થયું છે. વારંવાર સર્જાતી આ સમસ્યાને કારણે ગટરલાઇનની કામગીરી સામે સવાલો ઊભા થયા છે. સ્થાનિકોને અકસ્માતની આશંકા સતાવી રહી છે અને સમસ્યાના કાયમી ઉકેલની જરૂરિયાત સામે આવી છે.