કુખ્યાત ગેંગસ્ટર લોરેન્સ બિશ્નોઈના ભાઈ અનમોલને ભારત લવાયો, કોર્ટે 11 દિવસની NIA કસ્ટડીમાં મોકલ્યો

કુખ્યાત ગેંગસ્ટર લોરેન્સ બિશ્નોઈનો ભાઈ અને NIAની મોસ્ટ વોન્ટેડ યાદીમાં સામેલ અનમોલ બિશ્નોઈ આખરે ભારત પાછો ફર્યો છે. અમેરિકાથી ડિપોર્ટ કરાયેલો અનમોલ બુધવારે સવારે દિલ્હીના ઇન્દિરા ગાંધી આંતરરાષ્ટ્રીય એરપોર્ટ પર ઉતર્યો હતો. ઉતરાણ દરમિયાન, NIA ટીમ દ્વારા તેને કસ્ટડીમાં લેવામાં આવ્યો હતો, જ્યાંથી તેને સીધા પટિયાલા હાઉસ કોર્ટમાં લઈ જવામાં આવ્યો. કોર્ટે 11 દિવસની કસ્ટડી આપી છે. જણાવી દઈએ કે, અનમોલ બાબા સિદ્દીકી હત્યા કેસ, સિદ્ધુ મૂઝ વાલા હત્યા કેસ અને સલમાન ખાનના ઘરે ગોળીબાર સહિત અનેક હાઇ-પ્રોફાઇલ કેસોમાં આરોપી છે.

આ પણ વાંચો :

NIA દ્વારા પાંચ રાજ્યોના 22 સ્થળો પર દરોડા, આતંકી ષડયંત્ર મામલે કાર્યવાહી

લોરેન્સના ભાઈ અનમોલ બિશ્નોઈને અમેરિકાથી ભારત લાવવામાં આવશે,બાબા સિદ્દીકી હત્યામાં આરોપી

અમેરિકાથી ડિપોર્ટ કરાયો 

અમેરિકાથી ડિપોર્ટ કરાયેલો અનમોલ બુધવારે સવારે દિલ્હીના ઇન્દિરા ગાંધી આંતરરાષ્ટ્રીય એરપોર્ટ પર ઉતર્યો હતો. NIAના સૂત્રોના જણાવ્યા અનુસાર, તેને એરપોર્ટથી સીધા પટિયાલા હાઉસ કોર્ટમાં કોર્ટમાં હાજર થવા માટે લઈ જવામાં આવશે. અનમોલ બાબા સિદ્દીકી હત્યા કેસ, સિદ્ધુ મૂઝ વાલા હત્યા કેસ અને સલમાન ખાનના ઘરે ગોળીબાર સહિત અનેક હાઇ-પ્રોફાઇલ કેસોમાં આરોપી છે.

18થી વધુ કેસ દાખલ છે અનમોલ સામે 

ઉલ્લેખનીય છે કે યુએસ ડિપાર્ટમેન્ટ ઓફ હોમલેન્ડ સિક્યુરિટીએ મંગળવારે અનમોલ બિશ્નોઈને ડિપોર્ટ કર્યો હતો. NIA ટીમ દ્વારા અનમોલને એરપોર્ટ પર તરત જ અટકાયતમાં લેવામાં આવ્યો હતો. સૂત્રોના જણાવ્યા અનુસાર, પટિયાલા હાઉસ કોર્ટમાં હાજર થયા બાદ NIA તેની કસ્ટડી લેશે. તેની સામે 18 થી વધુ કેસ નોંધાયેલા છે, જેમાં હથિયારો સપ્લાય અને લોજિસ્ટિકલ સપોર્ટનો સમાવેશ થાય છે.