VIDEO : જમ્મુ-કાશ્મીરમાં ભૂસ્ખલનનો પ્રભાવ ઘટ્યો, NH-144A ફરી શરૂ

જમ્મુ-કાશ્મીરના પૂંચ જિલ્લામાં ભારે ભૂસ્ખલનને કારણે બંધ થયેલા નેશનલ હાઈવે 144A પર હવે વાહનવ્યવહાર ફરીથી સામાન્ય થઈ ગયો છે. પહાડો પરથી મોટા પથ્થરો અને કાટમાળ રસ્તા પર આવી જતાં આ મુખ્ય માર્ગ સંપૂર્ણપણે બ્લોક થઈ ગયો હતો, જેના કારણે હજારો વાહનો અટવાઈ પડ્યા હતા. ઘટનાના જે વિઝ્યુઅલ્સ સામે આવ્યા છે તેમાં સુરક્ષા દળો અને રોડ મેન્ટેનન્સ ટીમો ભારે મશીનરી તેમજ જેસીબીની મદદથી રસ્તા પરથી કાટમાળ હટાવતા જોઈ શકાય છે. તંત્ર દ્વારા ભારે જહેમત બાદ રસ્તો સાફ કરવામાં આવતા જ અટવાયેલા પ્રવાસીઓ અને સ્થાનિક લોકોએ રાહતનો શ્વાસ લીધો છે.