Budget 2026: જાણો બજેટમાં કઈ વસ્તુઓ થઈ સસ્તી અને ક્યાં લાગશે મોંઘવારીનો ડામ

નાણામંત્રી નિર્મલા સીતારમણે આજે મોદી સરકાર વતી બજેટ રજૂ કર્યું છે. તેમણે સતત 9મી વખત કેન્દ્રીય બજેટ રજૂ કર્યું છે. દેશના નાગરિકોને આ બજેટ પાસેથી રેલવેથી લઈને હેલ્થ અને શિક્ષણથી લઈને રોજગાર સુધી ઘણી આશાઓ હતી. આ દરમિયાન બજેટમાં અનેક મોટી જાહેરાતો કરવામાં આવી છે. અહીં આપણે સરળ ભાષામાં સમજીશું કે શું સસ્તું થયું છે અને શું મોંઘું.

નાણામંત્રી સીતારમણે બજેટમાં એ પણ જણાવ્યું કે હવે વિદેશ યાત્રા પેકેજ (Overseas Travel Package) પર લાગતો TCS 5% અને 20% થી ઘટાડીને કોઈપણ લઘુત્તમ રકમની મર્યાદા વગર 2% કરવામાં આવશે.

શું સસ્તું થયું?

વિદેશ પ્રવાસ: વિદેશ પ્રવાસ સસ્તો થશે. TCSમાં કાપની જાહેરાત, પહેલા 5% અને 20% હતો તે હવે 2% થયો.
દવાઓ: કેન્સર સંબંધિત 17 દવાઓ સસ્તી થશે. 7 દુર્લભ રોગોની દવાઓ પણ સસ્તી થશે.
ગેસ: CNG ગેસ અને બાયોગેસ સસ્તો કરવાની જાહેરાત.
ઇલેક્ટ્રોનિક્સ: માઇક્રોવેવ, મોબાઈલના સ્પેરપાર્ટ્સ અને ટેબલેટના સામાન સસ્તા થશે.
ઉર્જા અને પર્યાવરણ: સોલર એનર્જી સાથે જોડાયેલા સાધનો અને બેટરી સસ્તી થશે.
રોજિંદી વસ્તુઓ: શૂઝ (પગરખાં) સસ્તા થશે.
મેડિકલ રાહત: શુગર (ડાયાબિટીસ) ની દવાઓ સસ્તી થશે.
નિકાસ (Export): ચામડા અને કાપડની નિકાસ સસ્તી થશે. માછીમારો માટે નિકાસ સસ્તી થશે.
અન્ય: કુરિયર મોકલવું સસ્તું થશે. બીડીની કિંમત સસ્તી થશે.
મોટર એક્સિડન્ટ ક્લેમ: મોટર અકસ્માત ક્લેમને ટેક્સ ફ્રી કરવાની જાહેરાત કરવામાં આવી છે.

શું મોંઘું થયું?

નશાકારક પદાર્થો: દારૂ, સિગારેટ, પાન મસાલા અને તમાકુની વસ્તુઓ મોંઘી થશે.
ખનીજ: ખનીજ પદાર્થો મોંઘા થશે.
શેરબજાર: ઓપ્શન ટ્રેડિંગ (Option Trading) મોંઘું થશે.
સ્ક્રેપ: સ્ક્રેપની કિંમતોમાં વધારો થશે.