"બળાત્કાર ન કરો, અમારી પાસે આવો" - સોનાગાચીની સેકસ વર્કર્સએ કોલકાતા રેપ કેસ પર જાણો બીજું શું કહ્યું?

કોલકાતાની આરજી કર મેડિકલ કોલેજમાં તાજેતરમાં બનેલી એક દુ:ખદ ઘટનાએ સમગ્ર દેશને હચમચાવી દીધો છે. 9 ઓગસ્ટની સવારે મેડિકલ કોલેજમાંથી એક ટ્રેઇની ડોક્ટરનો મૃતદેહ મળી આવ્યો હતો. ડોક્ટરની હાલત નાજુક હતી અને તેના પ્રાઈવેટ પાર્ટ, આંખ અને મોઢામાંથી લોહી નીકળતું હતું. તેના ગળાનું હાડકું પણ તૂટી ગયું હતું. પ્રાથમિક તપાસમાં સામે આવ્યું છે કે ડોક્ટર પર બળાત્કાર અને પછી હત્યા કરવામાં આવી હતી. આ ઘટના બાદ મુખ્ય આરોપી સંજય જે અગાઉ આ જ મેડિકલ કોલેજમાં રહેતો હતો તે તેની બેરેકમાં ગયો અને દુષ્કર્મ બાદ સૂઈ ગયો હતો.

આ ઘટનાની ગંભીરતાને ધ્યાનમાં લઈને કોલકાતા હાઈકોર્ટે આ કેસની તપાસ CBIને સોંપી દીધી છે. સુપ્રીમ કોર્ટે પણ આ મામલાની સુઓ મોટુ સંજ્ઞાન લીધી છે અને આ મામલે આજે સુનાવણી થવાની છે. આ દરમિયાન કોલકાતાના સોનાગાચી વિસ્તારની વેશ્યાઓએ આ મામલે પ્રતિક્રિયા આપી છે. સોનાગાચી એશિયાના સૌથી મોટા વેશ્યાલયોમાંનું એક છે અને અહીંની વેશ્યાઓએ મીડિયા સાથે વાત કરતાં આ ઘટના પર ઊંડી ચિંતા વ્યક્ત કરી છે.

સોનાગાચીની વેશ્યાઓએ કહ્યું કે આવી ઘટનાઓ અત્યંત દુઃખદ અને ચિંતાજનક છે. તેમણે કહ્યું કે આ ઘટનાથી દરેકને ઘણું દુઃખ થયું છે અને તેઓ ઈચ્છે છે કે ભવિષ્યમાં આવી ઘટનાઓ ન બને. એક સેક્સ વર્કરે કહ્યું, "અમે આ વિસ્તારમાં સેક્સ વર્કર તરીકે કામ કરી રહ્યા છીએ. અમને દુ:ખ છે કે આવા ગુનાઓ થઈ રહ્યા છે. જો લોકો બળાત્કાર કરવાનું વિચારતા હોય, તો તેમણે અમારી પાસે આવવું જોઈએ અને અહીં આવીને પોતાની ઈચ્છા પૂરી કરવી જોઈએ. બળાત્કારની ઘટનાઓ કરવી ખોટું છે." તેમણે એમ પણ કહ્યું કે સમાજમાં દબાણ અને ભેદભાવનો સામનો કરતી છોકરીઓ અને મહિલાઓ માટે આ ઘટના ઊંડી ચિંતા અને દુઃખનું કારણ છે.

અન્ય એક સેક્સ વર્કરે કહ્યું, "કોલકાતાને સુરક્ષિત સ્થળ માનવામાં આવે છે, પરંતુ આ ઘટના પછી એવું લાગતું નથી કે તે સૌથી સુરક્ષિત શહેર છે.અમને લાગે છે કે 21મી સદીમાં પણ મહિલાઓને દબાવવામાં આવી રહી છે અને અમારે ડરના કારણે પાછળ રહેવું પડશે.” કોલકાતા મેડિકલ કોલેજમાં બનેલી આ ઘટના માત્ર શહેર માટે જ નહીં પરંતુ સમગ્ર દેશ માટે ચેતવણી સમાન છે કે મહિલાઓ અને છોકરીઓ સામે હિંસા વધી રહી છે. આવા ગુનાઓને રોકવા માટે નક્કર પગલાં ભરવાની જરૂર છે.