VIDEO: રસ્તા પર લોખંડની શીટ્સ અને ખીલીઓ ઠોકવામાં આવી, દિલ્હી પોલીસની જંતર-મંતર પર અભેદ્ય કિલ્લેબંધી
છેલ્લું અપડેટ : 25 Jul 2026
દિલ્હીના જંતર-મંતર પર NEET પેપર લીકના મુદ્દે ચાલી રહેલા વિદ્યાર્થીઓના આંદોલનને પગલે દિલ્હી પોલીસે (Delhi Police) સંસદ માર્ગ અને આસપાસના સમગ્ર વિસ્તારમાં અભૂતપૂર્વ સુરક્ષા વ્યવસ્થા (Security Arrangement) ગોઠવી દીધી છે. પ્રદર્શનકારીઓ સંસદ ભવન તરફ આગળ ન વધે તે માટે પોલીસે આખા વિસ્તારને જાણે એક અપ્રતિમ કિલ્લામાં ફેરવી દીધો છે.
રસ્તા પર લોખંડની શીટ્સ અને ખીલીઓ ઠોકી દેવાઈ
પોલીસે સુરક્ષાના ભાગરૂપે રસ્તાઓ પર લોખંડની જાડી શીટ્સ (Iron Sheets) મૂકીને તેને મોટી ખીલીઓ (Nails) અને સ્ક્રૂ (Screws) ની મદદથી રસ્તા સાથે કાયમી ધોરણે ફિક્સ કરી દીધી છે. બેરિકેડ્સ (Barricades) ની નીચે જ આ લોખંડની શીટ્સ અને એંગલ્સ (Iron Angles) જોડી દેવામાં આવ્યા છે જેથી કોઈપણ સંજોગોમાં બેરિકેડ્સને પાછળ ખસેડી કે પાડી ન શકાય. કેટલાક સ્થળોએ ખીલીઓ ઠોકતી વખતે વળી ગઈ હોવા છતાં તેને પૂરી મજબૂતીથી રસ્તામાં સેટ કરવામાં આવી છે.
6 થી 7 લેયરમાં બેરિકેડિંગ અને ચેઇન સિસ્ટમ
સમગ્ર વિસ્તારમાં ઓછામાં ઓછા 6 થી 7 લેયરમાં બેરિકેડિંગ (Barricading) કરવામાં આવ્યું છે. આ બેરિકેડ્સને એકબીજા સાથે મજબૂત લોખંડની ચેઇન (Iron Chains) અને દોરડાઓ વડે બાંધી દેવામાં આવ્યા છે. તેનો મુખ્ય હેતુ એ છે કે જો પ્રદર્શનકારીઓ એક બેરિકેડ હટાવવાનો પ્રયાસ કરે તો પણ આખી લાઇન એકસાથે જોડાયેલી રહે અને બેરિકેડ પોતાની જગ્યાએથી ટસથી મસ ન થાય.
ઉચ્ચ પોલીસ અધિકારીઓનું ગ્રાઉન્ડ લેવલ પર મોનિટરિંગ
જયસિંહ માર્ગ સામે આવેલા જંતર-મંતર પ્રોટેસ્ટ સાઇટ (Protest Site) અને સંસદ માર્ગ પર જોઇન્ટ સીપી (Joint CP) વિજય સિંહ પોતે પોતાની ટીમ સાથે સતત સ્થળ પર હાજર રહીને પરિસ્થિતિ પર નજર રાખી રહ્યા છે. તેમણે જણાવ્યું હતું કે હાલમાં પરિસ્થિતિ સંપૂર્ણપણે સામાન્ય છે. બેરિકેડ્સને આ રીતે અલગ અંદાજમાં ફિક્સ કરવા અંગે તેમણે કહ્યું કે સક્ષમ ઓથોરિટી (Competent Authority) ને જે યોગ્ય લાગ્યું તે મુજબ પગલાં લેવામાં આવ્યા છે.
હાલમાં કનૌટ પ્લેસ (CP) તરફથી સંસદ માર્ગ પર વિદ્યાર્થીઓ અને પ્રદર્શનકારીઓની ભીડ સતત વધી રહી છે. દિલ્હી પોલીસે સુરક્ષામાં કોઈ વિલંબ ન થાય તે માટે રક્ષણાત્મક કવચ બનાવીને સમગ્ર કનૌટ પ્લેસ અને સંસદ માર્ગના રૂટને સીલ કરી દીધો છે.
