Video: આંધ્રપ્રદેશના કાકીનાડામાં વાવાઝોડું

આંધ્રપ્રદેશના કાકીનાડામાં વાવાઝોડું ‘અર્નાબ’ ત્રાટકતા દરિયાકાંઠાના વિસ્તારોમાં ભારે તારાજી સર્જાઈ છે. વાવાઝોડાને કારણે દરિયામાં ઉછળેલા ઊંચા મોજાં સાથે દરિયાના પાણી રહેણાંક વિસ્તારોમાં ઘૂસી જતાં અસંખ્ય ઘરોને ભારે નુકસાન પહોંચ્યું છે. નીચાણવાળા વિસ્તારોમાં જળબંબાકારની સ્થિતિ સર્જાતા લોકોના ઘરોમાં પાણી ભરાઈ ગયા છે, જેના કારણે જનજીવન અસ્તવ્યસ્ત બન્યું છે. હોનારતને પગલે સ્થાનિક રહીશોએ પોતાનું ઘર અને માલસામાન ગુમાવતાં મોટું આર્થિક સંકટ ઊભું થયું છે. અસરગ્રસ્ત નાગરિકો હાલ ભારે મુશ્કેલીઓનો સામનો કરી રહ્યા છે અને તેમણે રાહત, પુનર્વસન તેમજ નુકસાનીના વળતર માટે રાજ્ય સરકાર પાસે તાત્કાલિક સહાય અને મદદની ગુહાર લગાવી છે.