સીએમ બિરેન સિંહે કહ્યું, 'મારા માટે શરમજનક બાબત... મણિપુરમાં મારા જ સુરક્ષા કાફલા પર હુમલો થયો'

મણિપુરમાં હિંસા રોકવા માટે કેન્દ્રીય સુરક્ષા દળોને તૈનાત કરવામાં આવ્યા છે, તેમ છતાં છેલ્લા એક વર્ષમાં સ્થિતિ સામાન્ય થઈ નથી. હાલમાં જ સીએમ એન બિરેન સિંહના સુરક્ષા કાફલા પર પણ હુમલો થયો હતો. તેમણે કહ્યું કે મારા માટે આ શરમજનક બાબત છે.

હાલમાં જ સીએમ એન બિરેન સિંહના સુરક્ષા કાફલા પર પણ હુમલો થયો

3 મે, 2023ના રોજ, મણિપુરમાં બે સમુદાયો વચ્ચે હિંસક અથડામણો શરૂ થઈ હતી. મણિપુરના કુકી અને મેઇતેઈ સમુદાયના મોટી સંખ્યામાં નિર્દોષ લોકો હિંસાનો ભોગ બન્યા હતા, જો કે મોટા ભાગના વિસ્તારોમાં સ્થિતિ હવે સામાન્ય થઈ ગઈ છે, નાની હિંસક ઘટનાઓ હજુ પણ બની રહી છે.

આસામની સરહદે આવેલા જીરીબામ વિસ્તારમાં ગોળીબારની ઘટનાઓ બની

આસામની સરહદે આવેલા જીરીબામ વિસ્તારમાં ગોળીબારની ઘટનાઓ બની હતી અને ઘણા પરિવારોને ત્યાંથી ભાગી જવાની ફરજ પડી હતી. જ્યારે મણિપુરના મુખ્ય પ્રધાન એન બિરેન સિંહ ઘટનાની સમીક્ષા કરવા જવાની તૈયારી કરી રહ્યા હતા, ત્યારે તેમની પહેલા પહોંચેલા તેમના સુરક્ષા કાફલા પર હુમલો કરવામાં આવ્યો હતો.

 કાફલા પર હુમલો

 આ મામલે ઉચ્ચ સ્તરીય તપાસ કરવામાં આવશે

મણિપુરના મુખ્ય પ્રધાન બિરેન સિંહે જવાબ આપ્યો, સુરક્ષા સમન્વયમાં ખામી રહી તે ખૂબ જ દુઃખદ છે. આ વિશે જાણવા માટે મુખ્ય સચિવ દ્વારા તપાસના આદેશ આપવામાં આવ્યા છે, અને આ મામલે ઉચ્ચ સ્તરીય તપાસ કરવામાં આવશે. આખરે મુખ્યમંત્રીના કાફલા પર રસ્તામાં કેવી રીતે ઓચિંતો  હુમલો કરવામાં આવ્યો  અને તેની માહિતી કુકી આતંકવાદીઓને કેવી રીતે મળી તે મામલે તપાસ કરવામાં આવશે.