મિત્રને ચિક્કાર દારૂ પીવડાવી કરી અકુદરતી સેક્સની માંગણી; વિરોધ કરતાં કર્યું એવું કે સાંભળી રૂંવાટા ઊભા થઈ જશે 

તેલંગાણાના સિદ્દીપેટ પોલીસે તાજેતરમાં જ એક હત્યા કેસ અંગે ચોંકાવનારો ખુલાસો કર્યો છે. પોલીસના જણાવ્યા અનુસાર, તપાસ દરમિયાન જાણવા મળ્યું કે આરોપીએ આ ગુનો એટલા માટે કર્યો કારણ કે મૃતક અકુદરતી સેક્સનો વિરોધ કરી રહ્યો હતો. સિદ્દીપેટ પોલીસના એક વરિષ્ઠ અધિકારીએ જણાવ્યું હતું કે, 'આરોપીનું નામ પર્વતમ રાજુ છે, જે કરીમનગર જિલ્લાના રેકુર્થીનો રહેવાસી છે.' તે 40 વર્ષનો છે. તેણે કેસીઆર નગરના રહેવાસી 38 વર્ષીય બોડાસુ શ્રીનિવાસ સાથે ખૂબ જ ગાઢ મિત્રતા હતી. 

રિપોર્ટ મુજબ, રાજુની પત્ની તેને છોડીને ચાલી ગઈ હતી. આવી સ્થિતિમાં, તે લાંબા સમયથી એકલો રહેતો હતો. રાજુ અને શ્રીનિવાસ 19 ફેબ્રુઆરીના રોજ મળ્યા હતા. બંનેએ દારૂ પીધો. આ પછી રાજુએ શ્રીનિવાસ સાથે અકુદરતી સેક્સ કરવાનો પ્રયાસ કર્યો. શ્રીનિવાસ આનો વિરોધ કરવા લાગ્યો અને તેને રોકવાનો પ્રયાસ કર્યો, અને બંને વચ્ચે ઝઘડો થયો. રાજુને ડર લાગવા લાગ્યો કે શ્રીનિવાસ આ વાત બીજાઓને કહેશે. આથી તેણે શ્રીનિવાસને લાકડીથી માર મારીને મારી નાખ્યો અને ત્યાંથી ભાગી ગયો.

મૃતકની પત્નીએ ફરિયાદ નોંધાવી

શ્રીનિવાસની પત્ની દ્વારા હત્યા અંગે એફઆઈઆર દાખલ કરવામાં આવી હતી. ફરિયાદ બાદ પોલીસે તપાસ શરૂ કરી હતી અને હવે મામલો ઉકેલાઈ ગયો છે.