યુપી ચૂંટણી પહેલાં અખિલેશ યાદવનો મોટો દાવ, લાલની સાથે હવે ઘાટો વાદળી રંગમાં પણ દેખાશે સપા
છેલ્લું અપડેટ : 07 Sept 2026
લખનઉ: ઉત્તર પ્રદેશ (Uttar Pradesh)માં આગામી વિધાનસભા ચૂંટણી પહેલાં સમાજવાદી પાર્ટી (Samajwadi Party)ના અધ્યક્ષ અખિલેશ યાદવે (Akhilesh Yadav) નવી રાજકીય રણનીતિ (Political Strategy) તરફ ઈશારો કર્યો છે. અત્યાર સુધી લાલ રંગ સાથે ઓળખાતી સમાજવાદી પાર્ટી હવે લાલની સાથે વાદળી રંગમાં પણ જોવા મળશે. પાર્ટીના આ પગલાને દલિત મતદારો (Dalit Voters)ને પોતાની તરફ આકર્ષવાના પ્રયાસ તરીકે જોવામાં આવી રહ્યું છે.
સમાજવાદી વિદ્યાર્થી સભા (Samajwadi Chhatra Sabha)ના કાર્યકર્તાઓની ટી-શર્ટનો રંગ હવે બદલવામાં આવ્યો છે. અગાઉ લાલ રંગની ટી-શર્ટ જોવા મળતી હતી, જ્યારે હવે કાર્યકર્તાઓ ઘાટા વાદળી રંગની ટી-શર્ટમાં નજરે પડશે. ખાસ વાત એ છે કે ટી-શર્ટ પર સમાજવાદી પાર્ટીના ચૂંટણી ચિહ્ન સાયકલ (Cycle)ની સાથે બાબા સાહેબ ડૉ. ભીમરાવ આંબેડકરની તસવીર પણ રાખવામાં આવી છે.
અખિલેશ પણ ઘાટા વાદળી ગમછામાં જોવા મળ્યા
આ ફેરફાર પહેલાં અખિલેશ યાદવ પોતે પણ તાજેતરમાં વાદળી ગમછો (Blue Gamcha) પહેરેલા જોવા મળ્યા હતા. રાજકીય રીતે નીલા રંગને દલિત રાજકારણ અને બહુજન સમાજ પાર્ટી (BSP) સાથે જોડવામાં આવે છે. BSPના ઝંડા અને ચૂંટણી ચિહ્ન સાથે પણ નીલા રંગની ઓળખ જોડાયેલી છે.
આ સ્થિતિમાં સપા દ્વારા વાદળી રંગને પોતાની રાજકીય ઓળખમાં સામેલ કરવાનો પ્રયાસ મહત્વપૂર્ણ માનવામાં આવી રહ્યો છે. ખાસ કરીને દલિત સમાજમાં પોતાની પહોંચ વધારવા માટે આ એક Political Signal તરીકે જોવામાં આવી રહ્યો છે.
દલિત વોટબેંક પર સપાની નજર
ઉત્તર પ્રદેશમાં દલિત મતદારોનો હિસ્સો આશરે 21 ટકા હોવાનું માનવામાં આવે છે. બીજી તરફ માયાવતીની આગેવાનીવાળી BSPની ચૂંટણી રાજનીતિમાં અગાઉની સરખામણીએ અસર ઘટી હોવાનું રાજકીય વિશ્લેષણોમાં કહેવામાં આવે છે.
2024ની લોકસભા ચૂંટણીમાં સમાજવાદી પાર્ટીએ ઉત્તર પ્રદેશમાં 37 બેઠકો જીતી હતી. હવે અખિલેશ યાદવની નજર યુવા અને ખાસ કરીને Gen Z દલિત વોટબેંક પર હોવાની ચર્ચા છે. લાલની સાથે નીલો રંગ અપનાવવાનો આ નિર્ણય આગામી ચૂંટણીમાં સપાની નવી સામાજિક અને રાજકીય ગણતરીનો સંકેત બની શકે છે.
