VIDEO : મહારાષ્ટ્રના પિંપરી ચિંચવડના ચિખલી વિસ્તારમાં આવેલી કૂદળવાડીમાં મોડી રાત્રે ભંગારના ગોડાઉનોમાં અચાનક ભીષણ આગ
છેલ્લું અપડેટ : 23 Jun 2026
સોર્સ : GSTV
મહારાષ્ટ્રના પિંપરી ચિંચવડના ચિખલી વિસ્તારમાં આવેલી કૂદળવાડીમાં મોડી રાત્રે ભંગારના ગોડાઉનોમાં અચાનક ભીષણ આગ ફાટી નીકળતાં સમગ્ર વિસ્તારમાં ભારે અફરાતફરી અને ભયનો માહોલ સર્જાયો છે. આગ એટલી પ્રચંડ હતી કે જોતજોતામાં તેણે આસપાસના અનેક ગોડાઉનોને પોતાની ઝપેટમાં લઈ લીધા હતા. ઘટનાની જાણ થતાં જ ફાયર બ્રિગેડની ૧૦ થી વધુ ગાડીઓ તાત્કાલિક ઘટનાસ્થળે પહોંચી ગઈ હતી અને આગ પર કાબૂ મેળવવાની કામગીરી યુદ્ધના ધોરણે શરૂ કરી દેવામાં આવી હતી. આગની ભયાનક લપેટો અને આકાશમાં ધુમાડાના કાળા ડિબાંગ ગોટેગોટા દૂર-દૂર સુધી જોઈ શકાય છે. સદનસીબે આ દુર્ઘટનામાં હજુ સુધી કોઈ જાનહાનિના અહેવાલ નથી, પરંતુ લાખો રૂપિયાનો સામાન બળીને ખાખ થઈ ગયો છે. પ્રાથમિક અંદાજ મુજબ શોર્ટ સર્કિટના કારણે આગ લાગી હોવાનું મનાઈ રહ્યું છે.
