મથુરામાં મંદિરની દાનપેટીમાંથી 1.9 કરોડ રૂપિયા લઈને પૂજારી ફરાર, ઘરેથી 71 લાખ 92 હજાર રૂપિયા મળ્યા

ગોવર્ધનના પ્રખ્યાત માનસી ગંગા મુખારવિંદ મંદિરનો પૂજારી મંદિરમાંથી 1 કરોડ 9 લાખ રૂપિયા લઈને ફરાર થઈ ગયો. પૂજારી આ રકમ બેંકમાં જમા કરાવવા માટે નીકળ્યા હતા, પરંતુ બેંક પહોંચ્યા ન હતા. પોલીસે પૂજારીના ઘરેથી રૂ. 71 લાખ 92 હજાર રિકવર કર્યા છે. આ સિવાય બાકીની રકમ અંગે તપાસ ચાલી રહી છે. આરોપીના ઘરે મશીનની મદદથી નોટોની ગણતરી કરવામાં આવી હતી.

મથુરાના ગોવર્ધન મંદિરમાં દાનમાં આપેલી 1 કરોડ 9 લાખ રૂપિયાની રકમ લઈને પૂજારી ફરાર થઇ ગયો હતો. તે બેંકમાં પૈસા જમા કરાવવા માટે બહાર ગયો હતો, પરંતુ ન તો બેંક પહોંચ્યો અને ન તો મંદિર પાછો આવ્યો. પૂજારીનો ફોન સ્વીચ ઓફ છે. મંદિરના મેનેજરે આ મામલે ફરિયાદ નોંધાવી હતી, ત્યારબાદ ગોવર્ધન પોલીસ અને મંદિર પ્રશાસન ગુમ થયેલા પૂજારીને શોધવામાં વ્યસ્ત છે.