લોકસભામાં વિપક્ષના વિરોધ વચ્ચે 5 બિલ પસાર, સંસદમાં બબાલ વચ્ચે પણ સરકાર પતાવી રહી છે પોતાનું કામ
છેલ્લું અપડેટ : 04 Aug 2026
સંસદના ચોમાસુ સત્રમાં સતત હંગામા વચ્ચે સરકાર લોકસભા અને રાજ્યસભામાં પોતાના એજન્ડાને આગળ વધારી રહી છે. એન્ટી પેપર લીક બિલ સહિત અનેક મહત્વપૂર્ણ બિલ પસાર થઈ ચૂક્યા છે. મોટાભાગના બિલ ચર્ચા વગર જ પસાર થઈ રહ્યા છે. એક બિલ પર જ્યાં વિપક્ષનું સમર્થન મળ્યુ છે, તો અન્ય એક બિલ પર વિપક્ષના મોટાભાગના પક્ષોએ વોકઆઉટ કરીને સરકારનું કામ વધુ આસાન કરી દીધુ છે.
સંસદમાં શું ચાલી રહ્યું છે?
સંસદના ચોમાસુ સત્રના સતત 12મા દિવસે પણ હંગામો ચાલુ રહ્યો હતો. વિપક્ષ અલગ-અલગ મુદ્દાઓને લઈને સરકાર પર આક્રમક છે. બંને ગૃહોમાં વિપક્ષના વિરોધને કારણે પ્રશ્નકાળ અને શૂન્યકાળમાં વિક્ષેપો આવી રહ્યા છે. આ દરમિયાન, સરકારે હંગામા વચ્ચે પણ વિધેયક પસાર કરાવવાની પોતાની વ્યૂહરચનાનો અમલ કરવાનું શરૂ કરી દીધું છે.
સરકાર પતાવી રહી છે પોતાનું કામ
વિપક્ષના હંગામા વચ્ચે જ સરકાર પોતાનું બિલ પસાર કરવાનું કામ પતાવી રહી છે. બંને ગૃહોમાં સરકાર એક પછી એક બિલ પસાર કરાવી રહી છે. મોટાભાગના બિલ ચર્ચા વગર જ પસાર થઈ રહ્યા છે. એક બિલ પર જ્યાં વિપક્ષે સમર્થન આપ્યું, ત્યાં જ અન્ય એક બિલ પર વિપક્ષના મોટાભાગના પક્ષોએ વોકઆઉટ કરીને સરકારનું કામ આસાન કરી દીધું.
લોકસભામાં 5 બિલ પસાર
અત્યાર સુધીમાં સરકારના હંગામા અને વિરોધ વચ્ચે જ લોકસભામાં 5 બિલ પસાર થઈ ચુક્યા છે. જેમાં એન્ટી પેપર લીક બિલ પર વિપક્ષે સાથ આપ્યો હતો. તો બીજી તરફ વંદે માતરમને કાનૂની સંરક્ષણ આપતા બિલ પર ડીએમકે (DMK) સિવાયના મોટાભાગના વિરોધ પક્ષોએ વોકઆઉટ કરી દીધું હતું. મંગળવારે હંગામા વચ્ચે જ એપ્રોપ્રિએશન બિલ પસાર કરાવી લેવામાં આવ્યું. જેના પર કોઈ ચર્ચા જ ન થઈ. સુપ્રીમ કોર્ટના જજોની સંખ્યા વધારવા, જન્મ અને મૃત્યુના રજીસ્ટ્રેશન સુધારા વિધેયકને પણ હંગામા અને શોરબકોર વચ્ચે પસાર કરાવવામાં આવ્યા.
રાજ્યસભામાં પણ એ જ સ્થિતિ
રાજ્યસભામાં પણ આવી જ સ્થિતિ બનેલી છે. ત્યાં પણ વિપક્ષ સતત વિરોધ કરી રહ્યો છે. શ્રીરામ જન્મભૂમિ મંદિરમાં ચઢાવો ચોરી અને જંતર-મંતર પર વિદ્યાર્થીઓ સામે પોલીસની કાર્યવાહીના વિરોધમાં વિપક્ષ સરકાર પાસે જવાબ માગી રહ્યો છે. આમ છતાં સરકારનું વિધાયી કામ અટક્યું નથી. અહીં વિપક્ષી દળોએ એન્ટી પેપર લીક બિલ પસાર કરાવવામાં સરકારને સહયોગ આપ્યો હતો. જ્યારે MSME બિલ પણ પસાર કરાવી લેવામાં આવ્યું છે.
હવે FCRA સુધારા બિલ પર નજર
હવે સરકારના એજન્ડામાં એક મહત્વપૂર્ણ બિલ બાકી છે. આ છે FCRA સુધારા બિલ. જોકે સોમવારે લોકસભાની બિઝનેસ એડવાઇઝરી કમિટીની બેઠકમાં તેને એજન્ડામાં લેવામાં આવ્યું ન હતું. પરંતુ સરકારના સૂત્રોએ જણાવ્યું છે કે સંભવતઃ આ જ અઠવાડિયે અથવા આવતા અઠવાડિયે આ બિલ લાવવામાં આવશે. સ્વયં ગૃહમંત્રી અમિત શાહ આ બિલ પર ચર્ચાનો જવાબ આપશે. જોકે સરકારના મહત્વાકાંક્ષી સીમાંકન (Delimitation) અને મહિલા અનામતને લઈને બંધારણીય સુધારા વિધેયક પર હજુ પણ સસ્પેન્સ યથાવત છે. સરકારી સૂત્રોના જણાવ્યા અનુસાર, આ બિલ ત્યારે જ લાવવામાં આવશે, જ્યારે સરકાર તેને પસાર કરાવવા અંગે સંપૂર્ણ તૈયાર હોય.