VIDEO: સુરેન્દ્રનગરઃ દસાડામાં ટ્રેલરે રિક્ષાને કચડી: ત્રણના કમકમાટીભર્યા મોત

સુરેન્દ્રનગર જિલ્લાના દસાડા તાલુકાના એછવાડા બસ સ્ટેન્ડ નજીક મોડી રાત્રે એક ટ્રક ટ્રેલર અને રિક્ષા વચ્ચે સર્જાયેલા ગમખ્વાર અકસ્માતમાં રિક્ષામાં સવાર ત્રણ વ્યક્તિઓના કરૂણ મોત નીપજ્યા છે. આ ભયાનક અકસ્માતમાં જાન ગુમાવનારાઓમાં ટુવડ ગામના રહેવાસી મેહુલભાઈ પટેલ, બળદેવભાઈ ઠાકોર અને કિરણભાઈ સિંધવનો સમાવેશ થાય છે. ઘટનાની જાણ થતાં જ પોલીસ કાફલો ઘટનાસ્થળે દોડી ગયો હતો અને ત્રણેય મૃતકોના શવને પોસ્ટમોર્ટમ અર્થે પાટડીની સરકારી હોસ્પિટલ ખાતે ખસેડ્યા હતા. ઉલ્લેખનીય છે કે, આ પંથકમાં ટ્રેલર ચાલકોની બેદરકારીના કારણે અકસ્માતોનો સિલસિલો યથાવત રહ્યો છે, કારણ કે ગત ૧૫મી જૂનના રોજ પણ કઠાડા પાસે આવા જ એક માર્ગ અકસ્માતમાં ત્રણ લોકોના મોત થયા હતા, ત્યારે ફરી એકવાર બનેલી આ દુર્ઘટનાથી સ્થાનિકોમાં અરેરાટી અને શોકનો માહોલ વ્યાપી ગયો છે.