VIDEO: અમદાવાદ રેલવેના કંટ્રોલ સેન્ટર ઉદ્ઘાટનમાં નેતાઓની અવગણનાથી વિવાદ

અમદાવાદ રેલવે વિભાગના DRM દ્વારા સ્થાનિક જનપ્રતિનિધિઓને જાણ કર્યા વગર અત્યાધુનિક કંટ્રોલ સેન્ટરનું ઉદ્ઘાટન કરી દેતા રાજકીય વિવાદ સર્જાયો છે. 3 જુલાઈના રોજ DRM વેદ પ્રકાશે ધારાસભ્ય દર્શનાબેન વાઘેલા, મેયર હિતેશ બારોટ અને સાંસદ દિનેશ મકવાણાને વિશ્વાસમાં લીધા વિના લોકાર્પણ કરતા નેતાઓમાં ભારે નારાજગી જોવા મળી રહી છે. સાંસદ દિનેશ મકવાણાએ આ ઘટનાને રેલ વિભાગની મનમાની ગણાવી છે અને આ મામલે કેન્દ્રીય સ્તરે તથા રેલમંત્રી અશ્વિની વૈષ્ણવને ફરિયાદ કરવાની ચીમકી ઉચ્ચારી છે.