VIDEO : વાવ-થરાદ અને બનાસકાંઠા પંથકમાં મધરાત્રે વાવાઝોડું અને વરસાદથી તારાજી, બાજરીના પાકને નુકસાનની ભીતિ
છેલ્લું અપડેટ : 02 Jun 2026
સોર્સ : gstv
બનાસકાંઠા પંથક તેમજ વાવ અને થરાદ સહિત દિયોદર, ભાભર, લાખણી અને સુઈગામ પંથકમાં મધરાત્રે વીજળીના કડાકા ભડાકા અને ભારે પવન સાથે કમોસમી વરસાદ ખાબક્યો હતો. વાવાઝોડા જેવા ફૂંકાયેલા તેજ પવનને કારણે અનેક જગ્યાએ વૃક્ષો અને વીજ પોલ ધરાશાયી થયા હતા, જ્યારે કેટલાક સ્થળોએ હોર્ડિંગ્સ અને પતરાના શેડ ઉડવાના બનાવો પણ બન્યા હતા. આ અણધાર્યા વરસાદથી ખાસ કરીને ખેડૂતો ચિંતામાં મુકાયા છે, કારણ કે હાલમાં ઉનાળુ બાજરીની કાપણી અને લણણીની કામગીરી પૂરજોશમાં ચાલી રહી છે, જેથી બાજરીના પાકને મોટા પાયે નુકસાન થવાની ભીતિ સેવાઈ રહી છે.
