VIDEO: Valsadના કપરાડામાં હાઈ વે પર પૂલ જર્જરિત, દેખાઈ રહ્યા છે સળિયા
છેલ્લું અપડેટ : 04 Aug 2025
સોર્સ : GSTV
વલસાડ જિલ્લાના કપરાડા તાલુકામાં આવેલા નેશનલ હાઈવે નં. 848 પર આવેલા પુલની હાલત અત્યંત જર્જરિત બનતી જઈ રહી છે. લોકોના જણાવ્યા મુજબ, પુલના સપાટી પરથી જે સળિયા બહાર દેખાઈ રહ્યા છે, જે કોઈપણ સમયે ગંભીર દુર્ઘટનાનું કારણ બની શકે છે. આ નાના પુલ પરથી દિવસભર મોટી સંખ્યામાં વાહનો અવરજવર કરે છે, જેમાંથી ભારે વાહનોનો પણ સમાવેશ થાય છે. પુલ પરથી સળિયા બહાર આવવાને કારણે વાહનચાલકોને જોખમ ભોગવવું પડી રહ્યું છે. વરસાદી મોસમમાં સ્થિતિ વધુ જ કથળી શકે છે અને અકસ્માતની શક્યતા વધી શકે છે. સ્થાનિક રહેવાસીઓ અને મુસાફરો દ્વારા પુલની તાત્કાલિક મરામત માટે રજૂઆતો કરવામાં આવી રહી છે. તે છતાં હજુ સુધી કોઈ નિર્ધારિત પગલાં લેવામાં આવ્યા નથી. હવે વહીવટી તંત્ર દ્વારા શક્ય તેટલી વહેલી તકે પુલની તપાસ કરીને યોગ્ય કામગીરી હાથ ધારવી જરૂરી બની છે.
