VIDEO: વડોદરા: અંધશ્રદ્ધાના નામે સોનાની લૂંટ, છેતરપિંડી આચરી મહિલાઓ ફરાર!
છેલ્લું અપડેટ : 26 Jun 2026
વડોદરાના ગેંડીગેટ વિસ્તારમાં અંધશ્રદ્ધાનો લાભ લઈને ઠગાઈ કરવાનો એક ચોંકાવનારો કિસ્સો પ્રકાશમાં આવ્યો છે, જ્યાં નવ્યા બ્યુટી પાર્લરની સંચાલિકા હેતલબેનને ત્રણ અજાણી મહિલાઓએ પોતાની જાળમાં ફસાવી લૂંટી લીધી છે. ગ્રાહક બનીને આવેલી આ મહિલાઓએ શરૂઆતમાં બ્યુટી સર્વિસ અંગે વાતચીત કરીને વિશ્વાસ કેળવ્યો હતો અને ત્યારબાદ તેમાંથી એક મુખ્ય મહિલાએ પોતાને જોગણી માતાનો સદ ધૂણવું આવતો હોવાનું કહી હેતલબેન પર નાગ નાગિનનો દોષ હોવાની ધમકી આપી હતી. આ કથિત દોષ નિવારણની પૂજાના બહાને મહિલાઓએ હેતલબેનને વાતોમાં ભોળવીને તેમની પાસેથી દોઢથી બે તોલાનું સોનાનું મંગળસૂત્ર અને રોકડ રકમ પડાવી લીધી હતી, જે આપ્યા બાદ હેતલબેન અર્ધબેભાન જેવી સ્થિતિમાં આવી જતાં ત્રણેય ઠગ મહિલાઓ મુદ્દામાલ સાથે પલાયન થઈ ગઈ હતી. ભાનમાં આવ્યા બાદ સંચાલિકાને છેતરપિંડીનો અહેસાસ થતાં તેમણે તુરંત પોલીસનો સંપર્ક કર્યો હતો; હાલમાં નજીકના CCTV કેમેરામાં આ ત્રણેય શંકાસ્પદ મહિલાઓ કેદ થઈ ગઈ હોવાથી વાડી પોલીસે તેના આધારે ગુનો નોંધીને તપાસના ચક્રો ગતિમાન કર્યા છે.
