Vadodaraમાં ફરી નકલી NOC થઈ વાયરલ, ફાયર વિભાગની કામગીરી સામે ઉઠ્યા સવાલ
છેલ્લું અપડેટ : 28 Jun 2025
Vadodara News: વડોદરા શહેરમાં ફરી નકલી ફાયર એનઓસી વાયરલ થઈ રહી છે. શહેરના હરણી રોડ મહાલક્ષ્મી કોમ્પ્લેક્સની નકલી એનોસી વાયરલ થઈ રહી છે. જેને પગલે ફાયર વિભાગની કામગીરી સામે સવાલ ઉઠી રહ્યા છે. વાયરલ થયેલી NOCમાં અધિકારીઓની નકલી સહી કરવામાં આવી હતી. આ કારસ્તાન કયા ભેજાબાજોનું છે તે ચર્ચાનો વિષય બની રહ્યું છે. ફાયર એનઓસીનું મોટું કૌંભાડ આચરવામાં આવ્યું હોવાની આશંકા સેવાઈ રહી છે.
ફાયર વિભાગના આ સ્કેન્ડલ પકડવાને બદલે પાલિકાના અધિકારીઓ જવાબદારીમાંથી છટકી રહ્યાની વાત સામે આવી રહી છે. ફરી વડોદરા મ્યુનિસિપલ કોર્પોરેશનની નકલી ફાયર NOC વાયરલ થતા ચકચાર મચી જવા પામી છે. ઉલ્લેખનીય છે કે, આ પહેલાં પણ આવ પ્રકારની નકલી એનઓસી મળી આવી હતી.
