Vadodaraના આજવા રોડ પર બીયરના ટીન ભરેલી કાર પકડાઈ, ખેપિયાની કડક પૂછપરછ હાથ ધરાતા કર્યા આ ખુલાસા

વડોદરાના આજવા રોડ વિસ્તારમાં બીયરના ટીન ભરેલી કારને પોલીસે ઝડપી પાડી ખેપીયાની પૂછપરછ હાથ ધરતા આ જથ્થો ગોરવાના શખ્સને આપવાનો હોવાની વિગતો ખુલતા પોલીસે આ મામલે તપાસ શરૂ કરી છે.

આ પણ વાંચો :

VIDEO : સાવલીના સમલાયામાં કેનાલમાં પ્રદૂષિત પાણી છોડાતા વિવાદ

વડોદરા: VMCના 72 આઉટસોર્સ કર્મચારીઓને ફરજમુક્ત કરાતા વિરોધના સૂર

પોલીસે કારચાલકને પકડ્યો

વડોદરા શહેરમાં દારૂની હેરાફેરી રોકવા માટે પોલીસ દ્વારા વાહન ચેકિંગ કરવામાં આવે છે, આજવા રોડ પરથી દારૂ ભરેલા બે વાહન પકડાયા હતા  મહાવીર હોલ પાસે પોલીસે એક કારને ચેક કરતા અંદરથી રૂ 51000 ની કિંમતના બિયરના 408 ટીન મળી આવ્યા હતા. પોલીસે કારચાલક હરેશ મેઘલાભાઈ રાઠવા (સિંહદા ગામ, કવાટ,છોટાઉદેપુર) ને ઝડપી પાડી પૂછપરછ કરતા દારૂનો જથ્થો મધ્યપ્રદેશના અલીરાજપુર ખાતે રહેતા જગુએ મોકલ્યો હોવાની તેમજ ગોરવાના સોએબ શેખને આપવાનો હોવાની વિગતો ખુલતા પોલીસે મોબાઈલ કબજે લઈ વધુ તપાસ હાથ ધરી છે.