Surendranagar news: લખતર મામલતદાર કચેરીમાં નાયબ મામલતદાર અને પટ્ટાવાળો રંગે હાથ લાંચ લેતા ઝડપાયા
છેલ્લું અપડેટ : 08 Apr 2026
સોર્સ : GSTV
રાજ્યના સુરેન્દ્રનગર જિલ્લામાંથી ખાસ અહેવાલ સામે આવ્યા છે. જમીન નોધ પ્રામાણિક કરી આપવાના પણ હવે સુરેન્દ્રનગર જિલ્લામાં રૂપિયા પડાવવામાં આવી રહ્યા છે. લખતર મામલતદાર કચેરીમાં નાયબ મામલતદાર અને પટ્ટાવાળો રંગે હાથ લાંચ લેતા ઝડપાયા છે. વાડલા ગામે ખેત જમીનની નોંધ પ્રામાણિક કરી આપવા બાબતે 50 હજાર રૂપિયાની લાંચ માંગવામાં આવી હતી.
નાયબ મામલતદાર અને પટાવાળો રંગે હાથ ઝડપાયો
નાયબ મામલતદાર જયદીપસિંહ પરમાર અને પટાવાળા તરીકે ફરજ બજાવતા કનકસિંહ ઝાલા લાંચ લેતા ઝડપાયા છે. મળતા અહેવાલ પ્રમાણે ખેત જમીનની નોંધ કરનારે ACBને સમગ્ર બાબતે જાણ કરી હતી. આ મામલે ACBએ છટકું ગોઠવ્યું હતું અને 20,000 ની લાંચ લેતા નાયબ મામલતદાર અને પટ્ટાવાળાને ઝડપી પાડ્યા હતા.
