VIDEO: સુરતમાં વરસાદનું આગમન થયું છે. શહેરના વિવિધ વિસ્તારોમાં વરસ્યો છૂટોછવાયો વરસાદ
છેલ્લું અપડેટ : 31 May 2026
સોર્સ : gstv
સુરત શહેરમાં વાતાવરણમાં અચાનક પલટો આવતા વરસાદનું આગમન થયું છે. શહેરના વિવિધ વિસ્તારોમાં છૂટોછવાયો વરસાદ વરસતા લોકોમાં ખુશીનો માહોલ જોવા મળ્યો હતો. પાંડેસરા, ઉધના, પર્વતપાટિયા સહિતના વિસ્તારોમાં વરસાદી ઝાપટાં પડતાં માર્ગો ભીના બન્યા હતા. છેલ્લા કેટલાક દિવસોથી અસહ્ય ગરમી અને બફારાનો સામનો કરી રહેલા લોકોને વરસાદથી થોડીક રાહત મળી છે. વરસાદના કારણે વાતાવરણમાં ઠંડક પ્રસરી ગઈ હતી અને તાપમાનમાં પણ ઘટાડો નોંધાયો હતો. હવામાન વિભાગની આગાહી વચ્ચે વરસેલા વરસાદે ચોમાસાના આગમનના સંકેતો આપ્યા છે. શહેરમાં વરસાદી માહોલથી લોકોને ગરમીમાંથી રાહતનો અનુભવ થયો છે.
