Morbi news: ફરી એકવાર રાજપર રોડ પર આવેલી ફેકટરીમાં GSTના ધામા

Morbi news:  મોરબી શહેરમાં એકવાર ફરીથી જીએસટી વિભાગે ધામા નાખ્યા હોવાનું સામે આવ્યું છે. મોરબી શહેરના રાજપર ગામ પાસે આવેલી હિમાલય થર્મો પ્લાસ્ટ નામની ફેકટરીમાં જીએસટીએ ધામા નાખ્યા છે. આ ખાનગી ફેકટરી ઘરેલું વસ્તુઓ બનાવીને વેચાણ કરે છે. સવારથી જીએસટી વિભાગના અધિકારીઓ આવીને ચેકિંગ કરી રહ્યા છે.

મોરબીમાં આવેલા રાજપર રોડ પર આવેલી જાણીતી ખાનગી કંપની હિમાલય થર્મો પ્લાસ્ટ ફેકટરીમાં જીએસટી વિભાગ દ્વારા ચેકિંગ હાથ ધરાયું છે. જીએસટીની ટીમ દ્વારા તપાસમાં મોટી માત્રામાં જીએસટી ચોરી બહાર આવે તેવી શક્યતા છે. જીએસટીની ટીમે ડિજિટલ સાહિત્ય તેમજ દસ્તાવેજી પુરાવની ચકાસણી હાથ ધરી હતી.