VIDEO : Navsari મહાનગરપાલિકાનું કારનામું, પ્રી-મોન્સૂન કામગીરીના નામે મોટો ભ્રષ્ટાચાર?
છેલ્લું અપડેટ : 03 Jun 2026
સોર્સ : gstv
નવસારી મહાનગરપાલિકા દ્વારા શહેરના વીરાવળ વિસ્તારમાં નવી બનાવવામાં આવેલી વરસાદી કાંસના કામમાં હલકી ગુણવત્તાના ગંભીર નમૂના સામે આવ્યા છે, જેમાં પ્રથમ વરસાદ પહેલા જ મોટું ગાબડું પડતા પાલિકાના વિકાસ કાર્યોની પોલ ખુલી ગઈ છે. આ નવનિર્મિત કાંસમાં એક ટ્રક ખૂંપી જવાથી કલાકો સુધી ટ્રાફિકજામના દ્રશ્યો સર્જાયા હતા. જેના કારણે સ્થાનિકો અને વાહનચાલકોને ભારે હાલાકી ભોગવવી પડી હતી. ચોમાસું શરૂ થાય તે પૂર્વે જ પ્રી મોન્સૂન કામગીરીના ભાગરૂપે કરાયેલું આ કામ બેસી જતાં નવસારી મહાનગરપાલિકા દ્વારા કરવામાં આવતા ભ્રષ્ટાચાર અને હલકી ગુણવત્તાના લોટપાણીયા કામો અંગે જનતામાં ફરીવાર તીવ્ર રોષ અને સવાલો ઉભા થયા છે.
