Video: પાટણના સમી પાસે ગોચનાદ નજીક ટ્રક અને સ્વિફ્ટ કાર વચ્ચે ભીષણ અકસ્માત, સોની પરિવારના બે સભ્યોનાં મોત

પાટણ જિલ્લાના સમી નજીક આવેલા ગોચનાદ પાસે સોની પરિવારની સ્વિફ્ટ કાર અને ટ્રક વચ્ચે ગમખ્વાર અકસ્માત સર્જાયો છે. પ્રાપ્ત વિગતો અનુસાર, આ સોની પરિવાર દ્વારકા દર્શન કરીને પરત ફરી રહ્યો હતો અને ભાભર ખાતે પોતાની દીકરીને મળવા જઈ રહ્યો હતો તે દરમિયાન આ કરૂણ દુર્ઘટના ઘટી હતી. આ ભયાનક અકસ્માતમાં પરિવારના બે સભ્યો જમનાબેન મોંગીલાલ (ઉંમર આશરે ૭૦ વર્ષ) અને રણજિતભાઈ મોંગીલાલ (ઉંમર આશરે ૪૩ વર્ષ)નું ઘટનાસ્થળે જ કમકમાટીભર્યું મોત નીપજ્યું હતું. જ્યારે પરિવારના અન્ય ચાર જેટલા સભ્યો ગંભીર રીતે ઘાયલ થયા હતા.