પાટણના ધારાસભ્ય ડૉ. કિરીટ પટેલે યુનેસ્કો વર્લ્ડ હેરિટેજ સાઈટ રાણકી વાવ ખાતે લાગેલી હિન્દી માહિતી તકતીમાં રહેલી ઐતિહાસિક ભૂલ સુધારવા ભારતીય પુરાતત્વ સર્વેક્ષણના ડાયરેક્ટર જનરલને પત્ર લખ્યો છે. આ તકતીમાં રાજા ભીમદેવ પ્રથમના પિતા તરીકે મૂળરાજ પ્રથમનું નામ દર્શાવવામાં આવ્યું છે. જ્યારે વાસ્તવમાં તેઓ મૂળરાજના વંશજ હતા. રસપ્રદ વાત એ છે કે ગુજરાતી અને અંગ્રેજી તકતીઓમાં માહિતી સાચી છે. પરંતુ માત્ર હિન્દી તકતીમાં જ આ ભૂલ હોવાથી પ્રવાસીઓ અને વિદ્યાર્થીઓમાં ખોટો ઇતિહાસ જઈ રહ્યો છે. ધારાસભ્યએ ઇતિહાસની આ ગંભીર ગેરસમજ દૂર કરવા ત્વરિત સુધારાની માંગ કરી છે.
