Junagadh news: જૂનાગઢમાં લિસ્ટેડ બુટલેગર ધીરેન કારિયા સહિત આઠ સામે ગુજસીટોકની કાર્યવાહી
છેલ્લું અપડેટ : 21 Apr 2025
Junagadh news: જૂનાગઢમાં વધુ એક ગેંગ સામે ગુજસીટોકના પગલાં લેવામાં આવ્યા છે. લિસ્ટેડ બુટલેગર ધીરેન કારિયા સહિત આઠ સામે પોલીસે મોટી કાર્યવાહી કરી છે. આ ગેંગે અત્નયાર સુધી રાજ્યના જૂનાગઢ, ભાવનગર, અમદાવાદ, રાજકોટ, જામનગર, દેવભૂમિ દ્વારકા, મોરબી, ગાંધીનગરમાં ગંભીર પ્રકારના ગુનાઓ આચર્યા છે. ધીરેન કારિયાની આગેવાનીમાં ખૂન, ખૂનનો પ્રયાસ, લૂંટ, હથિયાર ધારા, વિદેશી દારૂની મોટી હેરાફેરી કરી મોટા પ્રમાણમાં આર્થિક નફો મેળવ્યો હતો. જૂનાગઢ સી ડિવીઝન પોલીસમાં એલસીબી પીઆઈએ ફરિયાદ નોંધાવી હતી.
બુટલેગર ધીરેન કારિયા, ઉદય નરોત્તમ દવે, સમીર ડોસા કોડીયાતર, વિપુલ સુરાભાઈ સુત્રેજા, ભાવેશ બંધીયા, અજય કોડીયાતર, કીરીટ છેલાણા અને ભૂપત કોડીયાતર સામે ગુજસીટોક હેઠળ ગુનો નોંધાયો હતો. જૂનાગઢ ડીવાયએસપી હિતેશ ધાધંલ્યાએ સમગ્ર બનાવ અંગે તપાસ હાથ ધરી છે.