Rain in Gujarat : રાજ્યમાં શ્રાવણમાં શ્રીકાર વર્ષા, જૂનાગઢ, અમરેલી, સુરત સહિતના જિલ્લામાં વરસાદ, જુઓ 

Rain in Gujarat : ગુજરાતના મોટાભાગના વિસ્તારોમાં આગામી 24 ઑગસ્ટ સુધી ભારેથી અતિભારે વરસાદને લઈને હવામાન વિભાગે યલો-ઑરેન્જ ઍલર્ટ જાહેર કર્યું છે. ત્યારે સોમવારે (18 ઑગસ્ટ) રાજ્યના 18 તાલુકામાં વરસાદ વરસ્યો છે. જેમાં સૌથી વધુ વલસાડના ઉમરગામ અને ગીર સોમનાથના સૂત્રાપાડામાં 2-2 ઇંચ વરસાદ ખાબક્યો છે. જ્યારે છેલ્લા 24 કલાકમાં 193 તાલુકામાં વરસાદ નોંધાયો છે. જેમાં સૌથી વધુ રાજકોટના ધોરાજીમાં 3.15 ઇંચ વરસાદ વરસ્યો છે. જુઓ ક્યાં-કેટલો વરસાદ નોંધાયો. 

આ પણ વાંચો :

દિવાળી પહેલા પીએમ મોદીની ભેટ! નાની કાર અને વીમા પ્રીમિયમ પર ઘટી શકે છે GST

Sensex today: GST ઘટવાના સંકેતો પછી બજારમાં નવું જોમ આવ્યું: સેન્સેક્સ 676 પોઇન્ટ ઉછળ્યો, નિફ્ટી 24876 પર બંધ

18 તાલુકામાં મેઘમહેર
રાજ્યમાં આજે (18 ઑગસ્ટ) સવારે 6 વાગ્યાથી બપોરે 2 વાગ્યા સુધીમાં કુલ 18 તાલુકામાં વરસાદ નોંધાયો છે. જેમાં વલસાડના વાપી, નવસારી, ગીર સોમનાથ, વલસાડના પારડી, કોડિનાર, સુરત, વડોદરા સહિતના 16 તાલુકામાં 1 ઇંચની અંદરમાં વરસાદ નોંધાયો છે.

આ પણ વાંચો :

Rain Forecast, Gujarat : રાજ્યમાં 6 દિવસ અતિ ભારે વરસાદની આગાહી, મંગળવારે આટલા જિલ્લાઓમાં રેડ એલર્ટ, જાણો

GST અંગે મોટા સમાચાર, 20 ઓગસ્ટે જીઓએમની બેઠકમાં મોટા નિર્ણયો થઇ શકે છે, શું જનતાને મોટી રાહત મળશે?

24 કલાકમાં 193 તાલુકામાં વરસાદ
રાજ્યમાં છેલ્લા 24 કલાકમાં 193 તાલુકામાં વરસાદ વરસ્યો છે. જેમાં જૂનાગઢના માળીયા હાટીના, ડાંગના આહવા, કચ્છના અબડાસા, સુરતના કામરેજ અને ડાંગના સુબિરમાં 2-2 ઇંચ, જૂનાગઢ સિટી, તાપીના વ્યારા, બનાસકાંઠાના અમીરગઢ, ગીર સોમનાથના તલાલા, પાટણના સિદ્ધપુર, સાબરકાંઠાના ખેડબ્રહ્મા, વલસાડના પારડી, તાપીના ડોલવણ, સુરેન્દ્રનગરના મૂળી સહિત 24 તાલુકામાં 1-1 ઇંચ વરસાદ ખાબક્યો છે. 

જ્યારે બનાસકાંઠાના કાંકરેજ, રાજકોટના ઉપલેટા, પોરબંદરના રાણાવાવ, જૂનાગઢના વંથલી, માણાવદર, અમદાવાદના દેત્રોજ, અરવલ્લીના મેઘરજ, રાજકોટના લોધિકા, રાજકોટના જામકંડોરાણા સહિત 163 તાલુકામાં 1 ઇંચની અંદરમાં વરસાદ નોંધાયો છે.