Video: વડોદરાના અટલાદરામાં DCP ટીમનું કોમ્બિંગ, ગેરકાયદે વસવાટ કરતા તત્વોમાં ફફડાટ

વડોદરા શહેરના અટલાદરા વિસ્તારમાં કાયદો અને વ્યવસ્થાની સ્થિતિ વધુ સુદ્રઢ બનાવવા માટે DCP સહિતની પોલીસ ટીમ દ્વારા સઘન કોમ્બિંગ હાથ ધરવામાં આવ્યું છે. આ કાર્યવાહી દરમિયાન વિસ્તારમાં આવેલી વિવિધ કન્સ્ટ્રક્શન સાઇટ પર રહેતા શ્રમજીવીઓના ઓળખપત્રો અને રહેઠાણ સંબંધિત પુરાવાઓની બારીકાઈથી ચકાસણી કરવામાં આવી હતી. આ ઉપરાંત ગુલાબી વુડાના મકાનોમાં પણ પોલીસે સરપ્રાઈઝ ચેકિંગ હાથ ધરીને ગેરકાયદેસર રીતે ભાડે રહેતા લોકો સામે તપાસનો ધમધમાટ તેજ કર્યો છે. પોલીસના આ અચાનક ડ્રાઇવથી વિસ્તારમાં ગેરકાયદેસર વસવાટ કરતા અસામાજિક તત્વોમાં ભારે ફફડાટ વ્યાપી ગયો છે.