અમદાવાદમાં બોપલ, સરખેજમાં સૌથી વધુ વરસાદ, 41 ઝાડ પડવાની ફરિયાદ સામે આવી

અમદાવાદમાં વરસાદી વાતાવરણ દરમિયાન મેયર અને મ્યુનિસિપલ કમિશનરે સ્થિતિની સમીક્ષા કરી. છેલ્લા કેટલાક કલાકમાં ૧૧૩ મિમી વરસાદ પડ્યો છે. સરખેજ બોર્ડમાં સૌથી વધુ ૧૦.૬૫ ઇંચ વરસાદ નોંધાયો છે. બોપલ, મકરબા, સરખેજ, જોધપુર અને બાકરોલ જેવા વિસ્તારોમાં ભારે વરસાદ પડ્યો. ૪૧ ઝાડ પડવાની અને ૮ અંડરપાસ બંધ કરવાની ફરિયાદો મળી છે. ૨૬ વરુણ પંપ સક્રિય છે અને દક્ષિણ-પશ્ચિમ તેમજ ઉત્તર-પશ્ચિમ ઝોનમાં ૮૦થી વધુ સોસાયટીઓમાં પાણી ભરાયા છે...તંત્ર સંપૂર્ણ સજ્જ છે. આગામી બે દિવસ વરસાદની આગાહીને ધ્યાનમાં રાખી લોકોને સાવચેતી રાખવા અપીલ કરવામાં આવી છે.