ઢાલગરવાડ બજાર બંધ, સામાન્ય બાબતે કાકા-ભત્રીજા પર હિંસક હુમલા બાદ વેપારીઓ એક જૂથ

ઇજાગ્રસ્તો હોસ્પિટલમાં દાખલ

CCTV ફૂટેજમાં સ્પષ્ટ દેખાય છે કે ટોળું દુકાનમાં ઘૂસી સગીરને ઢસડીને મારી રહ્યા છે, જ્યારે આસપાસના વેપારીઓ બચાવવા પડે છે છતાં ટોળું હુમલો ચાલુ રાખે છે. હુમલામાં માથા અને મોઢાના ભાગે ગંભીર ઈજાઓ પહોંચતાં મોહમંદ અમીન અને અમાનને સારવાર અર્થે હોસ્પિટલ ખસેડવામાં આવ્યા છે.

ફરિયાદી મોહમંદ અમીનના જણાવ્યાનુસાર, હુમલો કરનારા મુખ્ય પાંચ શખસોની ઓળખ ઇરફાન વલીભાઇ ઘાંચી, રીયાજ વારીશ નુર એહમદ શેખ, નુર મોહમદ અબ્દુલ રશીદ શેખ, ઇરફાન યાસીનભાઇ શેખ અને ઇકબાલ યાસીનશેખ તરીકે થઈ છે. કારંજ પોલીસે આ પાંચેય નામજોગ આરોપીઓ અને અન્ય 7 અજાણ્યા શખસો સામે ગુનો નોંધી CCTV ના આધારે કાયદેસરની કાર્યવાહી હાથ ધરી છે.