Ahmedabad News: સાણંદના મોરૈયામાં એક કંપનીમાં લાગી વિકરાળ આગ, દૂર-દૂર સુધી જોવા મળ્યા ધુમાડાના ગોટેગોટા

અમદાવાદ ગ્રામ્ય વિસ્તારમાં કંપનીમાં ભીષણ આગ લાગતા અફરાતફરીનો માહોલ સર્જાયો હતો. આગના બનાવને પગલે અમદાવાદ, સાણંદ, બાવળા, ધોળકાથી ફાયરની પાંચ ગાડીઓ ઘટનાસ્થળે પહોંચીને આગ પર કાબૂ મેળવવાની કામગીરી હાથ ધરી હતી. 

આ પણ વાંચો :

VIDEO: વસ્તી ગણતરીની કામગીરી સામે વિરોધના સૂર બન્યા વધુ ઉગ્ર, એન્જિનિયરિંગ કોલેજોના પ્રોફેસરોએ પણ નારાજગી કરી વ્યક્ત

VIDEO : અમદાવાદમાં 34 વર્ષ જૂની મર્ડર મિસ્ટ્રી ઉકેલાઈ, પત્નીની હત્યા કરી લાશ ખાળકૂવામાં દાટનાર પતિ અને જેઠ ઝડપાયા

સાણંદના મોરૈયામાં ટુ-વ્હીલર પાર્ટ્સની કંપનીમાં વિકરાળ આગ

મળતી માહિતી મુજબ, સાણંદ તાલુકાના મોરૈયા પાસે આવેલી એક ખાનગી કંપનીમાં આજે (9 મે) ભીષણ આગનો બનાવ બન્યો હતો. જેમાં ટુ-વ્હીલરના મજગાર્ડ બનાવતા ગોડાઉનમાં આગ ભભૂકી હતી. આગ લાગતા દૂર-દૂર સુધી ધુમાડાના ગોટેગોટા જોવા મળ્યા હતા. 

સમગ્ર મામલે આગ ફાયર વિભાગને જાણ કરતાં પાંચ ગાડીઓ ઘટનાસ્થળે પહોંચીને પાણીનો મારો ચલાવ્યો હતો. આગ લાગતા સ્થાનિક પોલીસ પણ ઘટનાસ્થળે દોડી પહોંચી હતી. આગ એટલી બધી વિકરાળ હોવાથી બાજુની કંપનીઓ પણ આગની લપેટમાં આવી હોવાનું સામે આવ્યું છે.