Video: નડિયાદના કંસારા બજારમાં ૫૦૦ વર્ષ જૂની પરંપરાગત પલ્લી મહોત્સવની ધામધૂમથી ઉજવણી કરાઈ

ખેડાના નડિયાદ ખાતે આવેલ ઐતિહાસિક કંસારા બજારમાં નવરાત્રિ પર્વ નિમિત્તે ૫૦૦ વર્ષથી પણ વધુ સમયથી ચાલી આવતી પરંપરાગત પલ્લી મહોત્સવની ભક્તિભાવપૂર્વક ઉજવણી કરવામાં આવી છે. સદીઓ જૂની આ ધાર્મિક અને સાંસ્કૃતિક પરંપરાને આજે પણ પેઢી દર પેઢી એ જ ઉત્સાહ તથા શ્રદ્ધા સાથે જાળવી રાખવામાં આવી છે. આ પાવન પ્રસંગે સ્થાનિક રહેવાસીઓ સહિત આસપાસના વિસ્તારોમાંથી મોટી સંખ્યામાં શ્રદ્ધાળુઓ ઉમટી પડ્યા હતા. ભક્તોએ પ્રાચીન રીત-રિવાજ મુજબ માતાજીની પલ્લીના દર્શન અને પૂજા-અર્ચના કરી આશીર્વાદ મેળવી ધન્યતા અનુભવી હતી. આ આયોજનને પગલે સમગ્ર કંસારા બજાર વિસ્તાર ધાર્મિક વાતાવરણ અને મા અંબાની ભક્તિના માહોલથી ગૂંજી ઊઠ્યો હતો.