VIDEO: દહેરાદૂનમાં અતિક્રમણ સામે તંત્રની લાલ આંખ વકફ પ્રોપર્ટી નંબર ૮ પર અતિક્રમણ સામે મોટી કાર્યવાહી!
છેલ્લું અપડેટ : 13 Sept 2026
દહેરાદૂનમાં અતિક્રમણ સામે તંત્રની લાલ આંખ
વકફ પ્રોપર્ટી નંબર ૮ પર અતિક્રમણ સામે મોટી કાર્યવાહી!
૧૮ દુકાનો પર ત્રાટક્યું પ્રશાસન: ચિહ્નિત કરીને દસ્તાવેજોની તપાસ તેજ કરવામાં આવી!
ઉત્તરાખંડની રાજધાની દહેરાદૂનમાં વકફ પ્રોપર્ટી પર થયેલા કથિત ગેરકાયદેસર અતિક્રમણ સામે તંત્ર દ્વારા લાલ આંખ કરવામાં આવી છે. દહેરાદૂન સ્થિત વકફ પ્રોપર્ટી નંબર ૮ પર સરકારી જમીન અને મિલકત પચાવી પાડીને કરવામાં આવેલા ગેરઅધિકૃત બાંધકામો સામે વહીવટી તંત્ર દ્વારા કડક કાર્યવાહીના એંધાણ આપ્યા છે. આ મિલકત પરિસરમાં આવેલી ૧૮ જેટલી દુકાનોને ચિહ્નિત કરીને તેમની કાયદેસરતા ચકાસવા માટે કડક તપાસ હાથ ધરવામાં આવી છે. તંત્ર દ્વારા હાથ ધરવામાં આવેલી આ મોટી કાર્યવાહી દરમિયાન સ્થળ પર પહોંચેલી ટીમે તમામ ૧૮ દુકાનો પર માર્કિંગ કરીને દસ્તાવેજી ચકાસણીની પ્રક્રિયા શરૂ કરી દીધી છે. દહેરાદૂન પ્રશાસને સ્પષ્ટ સંકેત આપ્યા છે કે વકફ બોર્ડની સંપત્તિઓ પર કોઈપણ પ્રકારનું અનાધિકૃત કબજો કે ગેરકાયદે બાંધકામ ચલાવી લેવામાં આવશે નહીં. જો આ દુકાનદારો કે કબજેદારો પાસે યોગ્ય આધાર-પુરાવા નહીં મળે તો તેમની સામે ગેરકાયદેસર અતિક્રમણ હટાવવા માટે બુલડોઝર કે સીલિંગ સહિતની આકરી સીધી કાર્યવાહી કરવામાં આવશે.
કથિત ગેરકાયદે બાંધકામો સામે એક્શન મોડમાં વહીવટી તંત્ર!
વકફ મિલકતો પરના અનાધિકૃત કબજા હટાવવા તંત્ર સજ્જ!
સરકારી જમીન પચાવી પાડનારાઓ સામે સકંજો
દહેરાદૂનમાં વકફ બોર્ડની કરોડોની મિલકતો પર થયેલા કથિત અતિક્રમણ અંગે સ્થાનિક કક્ષાએ લાંબા સમયથી ફરિયાદો ઉઠી રહી હતી. આ મામલે પ્રશાસને ત્વરિત એક્શન મોડમાં આવીને સ્થળ તપાસ હાથ ધરી છે અને દસ્તાવેજો ચકાસવાની પ્રક્રિયા ઝડપી બનાવી છે. તંત્રની આ સરપ્રાઇઝ ચકાસણી અને ચિહ્નિત કરવાની તડામાર કામગીરીને પગલે ગેરકાયદેસર બાંધકામ કરી વેપાર કરતા તત્વોમાં ભારે ફફડાટ અને સન્નાટો વ્યાપી ગયો છે. હાલમાં ઘટનાસ્થળના દ્રશ્યો સામે આવ્યા છે, જેમાં વહીવટી ટીમ અને સુરક્ષા કર્મચારીઓની હાજરીમાં દુકાનોનું સીમાંકન અને માર્કિંગ કરવામાં આવી રહ્યું છે. વકફ મિલકત નંબર ૮ની આ કાર્યવાહીથી સમગ્ર દહેરાદૂનમાં ભારે ચર્ચા જાગી છે. વહીવટી અધિકારીઓએ જણાવ્યું છે કે કાયદાકીય તપાસ પૂર્ણ થયા બાદ આગળની ડિમોલિશન કે સીલ કરવાની આકરા પગલાં લેવામાં આવશે.
બ્યૂરો રિપોર્ટ જીએસટીવી