VIDEO: શું 4000 કરોડની ફિલ્મ 'રામાયણ' ફ્લોપ જશે? જાણો ટ્રેલરની 5 મોટી ખામીઓ!
છેલ્લું અપડેટ : 31 Jul 2026
બોલિવૂડ એક્ટર રણબીર કપૂરની મોસ્ટ અવેટેડ ફિલ્મ 'રામાયણ' સિનેમાઘરોમાં રિલીઝ થવા જઈ રહી છે. આ ફિલ્મને લઈને ફેન્સમાં ભારે ઉત્સાહ છે. ફિલ્મના ટ્રેલરને પણ ખૂબ સારો પ્રતિસાદ મળ્યો છે. પરંતુ આ બધું હોવા છતાં, ઘણા લોકોનું માનવું છે કે ફિલ્મમાં હજુ પણ કંઈક ખૂટી રહ્યું છે. ટ્રેલર પર દરેક વ્યક્તિ પોતપોતાનો અભિપ્રાય આપી રહી છે. મેકર્સ માટે પણ આ વાતો વિચારવા જેવી છે, કારણ કે આ બાબતોની સીધી અસર ફિલ્મની સફળતા અને કમાણી પર પડી શકે છે. અહીં જાણો તે 5 મહત્વના મુદ્દાઓ, જેના પર રિલીઝ પહેલા મેકર્સે ખાસ ધ્યાન આપવાની જરૂર છે:
1. ટ્રેલરમાં રૂંવાડા ઊભા કરી દે તેવા સંવાદો (ડાયલોગ્સ)ની કમી
જ્યારે 'આદિપુરુષ'નું ટ્રેલર આવ્યું હતું, ત્યારે ફેન્સને કેટલાક વિચિત્ર અને મજાકના પાત્ર બને તેવા ડાયલોગ્સ સાંભળવા મળ્યા હતા, જેના કારણે મેકર્સ ખૂબ ટ્રોલ થયા હતા. રણબીર કપૂરની 'રામાયણ'માં ડાયલોગ્સ મર્યાદિત છે, પરંતુ તે એટલા દમદાર નથી કે જે સાંભળીને અંદરથી "વાહ!" નીકળે. ટ્રેલર જોતા ડાયલોગ્સ થોડા ફ્લેટ (સામાન્ય) લાગી રહ્યા છે.
2. ભાવનાત્મક (ઈમોશનલ) સીન્સ ગાયબ
ટ્રેલરમાં રણબીર કપૂર, સાઈ પલ્લવી અને યશના એન્ટ્રી સીન્સ ખૂબ જ સરસ છે. પરંતુ તેમ છતાં તેમાં એવા દ્રશ્યો જોવા મળ્યા નથી જે મન પર ઊંડી છાપ છોડી જાય. હાલમાં બધું ધ્યાન માત્ર શાનદાર VFX પર જ જઈ રહ્યું છે. રામાયણમાં એકથી એક ચડિયાતા ઈમોશનલ સીન્સ છે જે જોઈને ફેન્સની આંખો ભરાઈ આવે છે, પરંતુ ટ્રેલરમાં એવો ઈમોશનલ ઈમ્પેક્ટ દેખાતો નથી.
3. થીમ સોંગ પણ થોડું નબળું લાગી રહ્યું છે
ટ્રેલર જોઈએ તો રણબીર કપૂરની ફિલ્મનું થીમ સોંગ પણ તે પૌરાણિક કે ભક્તિમય અનુભવ આપી શકતું નથી. 'આદિપુરુષ'માં થીમ સોંગ પર ઘણું કામ કરવામાં આવ્યું હતું અને યુટ્યુબ પર તેને ખૂબ વ્યૂઝ પણ મળ્યા હતા. અહીં મેકર્સે થોડું વધુ કામ કરવાની જરૂર પડી શકે છે, કારણ કે 'રામાયણ' ફિલ્મનું થીમ સોંગ જ એનું પહેલું ઓથેન્ટિક પ્રમોશન બનશે.
4. ભગવાન હનુમાનજીના સીન ન હોવાથી ટ્રેલર અધૂરું લાગ્યું
ટ્રેલરમાં ક્યાંય પણ ભગવાન હનુમાનના પાત્રને દર્શાવવામાં આવ્યું નથી. રામાયણમાં ભગવાન હનુમાનનું જેટલું મહત્વ છે એટલું કદાચ અન્ય કોઈનું નથી. તેમના પાત્રની ઝલક વિના ફેન્સને ટ્રેલર થોડું અધૂરું લાગી રહ્યું છે અને સોશિયલ મીડિયા પર આ અંગે સૌથી વધુ ચર્ચા થઈ રહી છે. દરેક સની દેઓલને હનુમાનજીના રોલમાં જોવા આતુર છે. એવું માનવામાં આવે છે કે આગામી ટ્રેલરમાં ફેન્સની આ ઈચ્છા પૂરી થઈ શકે છે.