હોલિવૂડની ફિલ્મોમાં કેમ કામ કરવા નથી ઈચ્છતો શાહરૂખ ખાન? ખુદ જાહેર કર્યું આ રહસ્ય
હિન્દી સિનેમાના બાદશાહ શાહરૂખ ખાનને તાજેતરમાં સ્વિટ્ઝર્લેન
હિન્દી સિનેમાના બાદશાહ શાહરૂખ ખાનને તાજેતરમાં સ્વિટ્ઝર્લેન્ડમાં 77મા લોકાર્નો ફિલ્મ ફેસ્ટિવલ દરમિયાન પાર્ડો અલા કેરીએરા એવોર્ડથી સન્માનિત કરવામાં આવ્યો હતો. આ ફિલ્મ ફેસ્ટિવલ દરમિયાન, તેણે તેની આગામી ફિલ્મ 'કિંગ' વિશે વાત કરી, જેમાં તે તેની લાડલી સુહાના ખાન સાથે જોવા મળશે, જેણે ગયા વર્ષે 2023માં ઝોયા અખ્તરની ફિલ્મ 'ધ આર્ચી'થી ડેબ્યૂ કર્યું હતું.
આ દરમિયાન, તાજેતરના ઇન્ટરવ્યુમાં, શાહરૂખ ખાને પણ તેના બે બાળકો સુહાના અને આર્યનને તેમની કારકિર્દી વિશે સલાહ આપવાની વાત કરી હતી. સુહાનાના ડેબ્યૂ કર્યા બાદ હવે આર્યન તેની પહેલી વેબ સીરિઝ 'સ્ટારડમ'નું નિર્દેશન કરી રહ્યો છે. કિંગ ખાને એ પણ ખુલાસો કર્યો કે, તે હોલિવૂડની ફિલ્મોમાં કેમ કામ નથી કરતો? ઈન્ટરવ્યુ દરમિયાન તેમને પૂછવામાં આવ્યું કે, 'હોલિવૂડમાં કોઈ ફિલ્મ આવશે તો તે શું કરશે?' જેના પર તેણે મજેદાર જવાબ આપ્યો હતો.
શું શાહરૂખ હોલિવૂડની ફિલ્મોમાં કામ નથી કરતો?
એક ઈન્ટરવ્યુમાં શાહરૂખ ખાનને પૂછવામાં આવ્યું હતું કે, 'તેણે 30 વર્ષથી વધુની કારકિર્દીમાં કોઈ હોલિવૂડ ફિલ્મમાં કેમ કામ કર્યું નથી?' આ પ્રશ્નનો જવાબ આપતાં તેણે હોલિવૂડને તેની પહોંચની દૃષ્ટિએ વિશ્વનું સૌથી મહાન અને સૌથી મોટું સિનેમા ગણાવ્યું હતું. તેણે રમૂજી રીતે પણ કહ્યું કે, હોલિવૂડની ફિલ્મમાં કામ કરવા માટે અંગ્રેજી સારી રીતે બોલવું જોઈએ. તેણે એમ પણ કહ્યું કે, 'જો તે હોલિવૂડની કોઈપણ ફિલ્મમાં કામ કરે છે, તો તે એવો પ્રોજેક્ટ હોવો જોઈએ કે જે ભારતીય દર્શકો દ્વારા તેને આપવામાં આવતા સન્માનને ઓછું ન કરે.'
આ કારણે હોલિવૂવુડમાં કામ નથી કરતો
તેણે કહ્યું, 'અને, હું અહંકારી દેખાવા માગતો નથી, પરંતુ તેનું પાત્ર ભારતીય દર્શકોએ મને જે દરજ્જો આપ્યો છે તેવું હોવું જોઈએ. આનાથી ભારતીય દર્શકોને નિરાશ ન થવું જોઈએ. હું ખૂબ જ રમતિયાળ અને ખુશખુશાલ તરીકે જાણીતો છું, પરંતુ હું સંપૂર્ણ રીતે સન્માન કરું છું અને સમજું છું કે મારી પાસે કેટલા ફેન્સ છે. લોકો મને કેટલા પસંદ કરે છે. લોકો મારા કામને જુએ છે. લોકોએ મને ઘણું સન્માન આપ્યું છે. મારી પાસે જે છે તે લોકોએ મને અને મારા પરિવારને આપ્યું છે.
શાહરૂખ ખાનનો વર્કફ્રન્ટ
જો શાહરૂખ ખાનના વર્કફ્રન્ટની વાત કરીએ તો તેણે વર્ષ 2018માં 'ઝીરો'ની નિષ્ફળતા બાદ 4 વર્ષનો બ્રેક લીધો હતો, ત્યારબાદ તેણે 2023માં ગયા વર્ષે જાન્યુઆરીમાં રિલીઝ થયેલી ફિલ્મ 'પઠાણ'થી કમબેક કર્યું હતું. જે બોક્સ ઓફિસ પર જોરદાર હિટ રહી હતી, ત્યારબાદ તે 'જવાન'માં જોવા મળ્યો હતો. આ ફિલ્મે પણ ઘણી કમાણી કરી હતી અને તે છેલ્લે 'ડંકી'માં જોવા મળ્યો હતો. આ ફિલ્મે પણ ઘણી કમાણી કરી હતી. આ ત્રણેય ફિલ્મોએ બોક્સ ઓફિસ પર 2,500 કરોડથી વધુની કમાણી કરી હતી. હવે તે 'કિંગ'માં જોવા મળશે.
