રીલ્સ બનાવતા પહાડ પર સંતુલન ગુમાવ્યું, રીલસ્ટાર અનવી કામદારનું મોત

માનગાંવ તાલુકાના કુંભે પર્યટન માટે આવેલી મુંબઈની એક યુવતીનું ઈન્સ્ટાગ્રામ માટે શૂટિંગ કરતી વખતે કોતરમાં પડી જવાથી મૃત્યુ થયું હતું. આ યુવતીનું નામ અનવી કામદાર હતું અને તે વ્યવસાયે ચાર્ટર્ડ એકાઉન્ટન્ટ હતી. તે સોશિયલ મીડિયા પર ઈનફ્લુએન્સર તરીકે પણ જાણીતી હતી.

26 વર્ષીય અનવી કામદાર અને તેના છ સાથીદારો પ્રવાસ માટે માનગાંવના કુંભામાં આવ્યા હતા. એક પહાડ પર ઇન્સ્ટાગ્રામ માટે રીલ બનાવતી વખતે અન્વીએ તેનું સંતુલન ગુમાવ્યું અને 300 ફૂટ નીચે કોતરમાં પડી. તેના સાથીદારોએ માનગાંવ પોલીસ સ્ટેશનમાં આની જાણ કરી. માનગાંવના વરિષ્ઠ પોલીસ નિરીક્ષક નિવૃતિ બોરાડે તાત્કાલિક ઘટનાસ્થળે પહોંચી ગયા હતા. તેમણે સ્થાનિક રેસ્ક્યુ ટીમને બોલાવી. જો કે ઉંડી ખીણ હોવાના કારણે બચાવ કાર્યમાં મુશ્કેલીઓ આવી રહી હતી.

કોલાડ, માનગાંવ, મહાડથી પ્રશિક્ષિત બચાવ ટીમોને બોલાવવામાં આવી હતી. બચાવ ટુકડીઓ દોરડાની મદદથી ખીણમાં ઉતરી હતી. આ સમયે અન્વી ગંભીર રીતે ઘાયલ જોવા મળી હતી. તેને દોરડાની મદદથી સ્ટ્રેચર પર ખેંચવામાં આવ્યો હતો. પરંતુ તેને માનગાંવ ઉપઝિલા હોસ્પિટલમાં લઈ જવામાં આવે તે પહેલા તેનું મોત થઈ ગયું હતું. પ્રવાસનો આનંદ માણતી વખતે દર્શાવવામાં આવેલો અતિશય ઉત્સાહ તેના માટે ઘાતક સાબિત થયો.