વિજય વર્માએ ફેલાવી પોતાના મૃત્યુની અફવા, બાદમાં સમજાઈ ભૂલ તો માગી ફેન્સની માફી
ઘણીવાર સેલેબ્સ પણ આવી ભૂલો કરે છે. જેના કારણે તેમ
ઘણીવાર સેલેબ્સ પણ આવી ભૂલો કરે છે. જેના કારણે તેમને ટ્રોલિંગનો સામનો કરવો પડે છે. હવે 'ડાર્લિંગ' એક્ટર વિજય વર્મા સાથે પણ કંઈક આવું જ થયું છે. આ ફિલ્મમાં તેણે આલિયા ભટ્ટના પતિ 'હમઝા અબ્દુલ શેખ'નું પાત્ર ભજવ્યું હતું. તાજેતરમાં, ફિલ્મના 2 વર્ષ પૂર્ણ થવા પર, તેણે પોતાના મૃત્યુની પોસ્ટ કરી. આ અફવા જોઈને ફેન્સ પણ ડરી ગયા અને તેની ચિંતા કરવા લાગ્યા. ત્યારે વિજય વર્માએ સામે આવીને માફી માગવી પડી હતી.
વિજય વર્મા ઈન્સ્ટાગ્રામ પર ખૂબ જ લોકપ્રિય છે. 1.3 મિલિયન લોકો તેને ફોલો કરે છે. 6 ઓગસ્ટના રોજ તેણે ફિલ્મના પાત્ર સાથે સંબંધિત એક ફોટો શેર કર્યો હતો. આ ફોટો ફિલ્મ 'ડાર્લિંગ'ના પાત્ર હમઝાનો હતો. જે ફિલ્મમાં મૃત્યુ પામે છે. ફિલ્મના બે વર્ષ પૂરા થવા પર તેણે ફિલ્મ જેવી જ સ્ટાઇલમાં પોસ્ટ કરી હતી.
પોતાના મૃત્યુની અફવાઓ
વિજય વર્માએ પોસ્ટમાં લખ્યું, 'દુઃખદ સમાચાર. હમઝા અબ્દુલ શેખ. પ્રેમાળ પતિ, પ્રિય પુત્ર. સોમવારે સાંજે 5:30 કલાકે પ્રાર્થનાસભા. આપ સૌનું સ્વાગત છે. RIP'. આ ફોટો વિજય વર્માના ચહેરાનો છે. દુઃખદ સમાચાર પણ લખાયા છે. આ જોઈને બધાનું ધ્યાન આ પોસ્ટ પર ગયું. એક વાર તો ફેન્સ પણ ચિંતિત થઈ ગયા.
લોકોને મિની હાર્ટ એટેક આવ્યું
લોકો આડેધડ ટિપ્પણી કરવા લાગ્યા. એકે લખ્યું કે, તે ચોંકી ગયો. બીજાએ લખ્યું કે તે તેને સાચું સમજ્યો અને દુઃખી થઈ ગયો. એક ફેને લખ્યું, 'થોડી ક્ષણો માટે મને લાગ્યું કે મને હાર્ટ એટેક આવ્યો છે. PR કરવાની આ પદ્ધતિ ખૂબ જ નકામી છે.
માફી માગવી પડી
આ પછી વિજય વર્માએ સામે આવીને માફી માગવી પડી હતી. કોમેન્ટ બોક્સમાં તેણે સોરી લખ્યું, 'સોરી મિત્રો. મારો ઈરાદો કોઈને દુઃખી કરવાનો કે કોઈને ડરાવવાનો નહોતો. આ માત્ર ફિલ્મનો સ્ક્રીનશોટ હતો. આ ફિલ્મ ડાર્ક કોમેડી હતી અને આ પોસ્ટ પણ.
