VIDEO/'Awarapan 2' teaser out: "યા તો યહ આવારાપન ખતમ હોગા યા મૈં", 19 વર્ષ પછી 'શિવમ પંડિત'ના દમદાર અંદાજમાં પાછો ફર્યો Emraan Hashmi
છેલ્લું અપડેટ : 29 Jun 2026
ઈમરાન હાશ્મી પોતાની મોસ્ટ અવેટેડ ફિલ્મ 'આવારાપન ૨' (Awarapan 2) માં 'શિવમ પંડિત' તરીકે પાછા ફરવા માટે પૂરી રીતે તૈયાર છે. આ ફિલ્મ વર્ષ ૨૦૦૭માં રિલીઝ થયેલી તેની કલ્ટ ક્લાસિક ફિલ્મ 'આવારાપન'ની સિક્વલ છે. વચન આપ્યા મુજબ, નિર્માતાઓએ આજે (૨૯ જૂન, ૨૦૨૬ ના રોજ) આ રોમેન્ટિક ડ્રામા ફિલ્મનું સત્તાવાર ટીઝર રિલીઝ કરી દીધું છે. આજે આ ફિલ્મના પહેલા ભાગને પૂરા ૧૯ વર્ષ પણ થઈ રહ્યા છે.
રિલીઝ થયું ઈમરાન હાશ્મીની 'આવારાપન ૨'નું ટીઝર
(Credit: Youtube Channel of Vishesh Films)
ટીઝરની શરૂઆત ઈમરાન હાશ્મીના પાત્રથી થાય છે, જે બાઇક ચલાવતા એક પાવરફુલ ડાયલોગ બોલે છે - "કુછ લોગો કી કહાનિયાં ઉનકી મર્ઝી સે ખતમ નહીં હોતી, ઉનકી કહાની, દૂસરો કે લિયે લીખી જાતી હૈ." ત્યારબાદ તે 'આવારાપન'ના પહેલા ભાગમાં શ્રિયા સરન દ્વારા ભજવવામાં આવેલા પાત્ર 'આલિયા હામિદ'ને શ્રદ્ધાંજલિ આપતો જોવા મળે છે.
બેકગ્રાઉન્ડમાં ફિલ્મના આઇકોનિક ગીત 'તો ફિર આઓ' (Toh Phir Aao) નું નવું વર્ઝન વાગી રહ્યું છે અને ઈમરાન એમ કહેતો સંભળાય છે કે, "દર્દ સે પુરાના રિશ્તા હૈ મેરા." ટીઝરમાં દિશા પટણી, શબાના આઝમી અને અન્ય કલાકારોની પણ ઝલક જોવા મળે છે. ટીઝરના અંતમાં ઈમરાન હાશ્મી એક પ્રભાવશાળી લાઇન બોલે છે - "ઇસ બાર યા તો યહ આવારાપન ખતમ હોગા યા મૈં."
'આવારાપન' (2007) વિશે વધુ માહિતી
મોહિત સુરી દ્વારા નિર્દેશિત આ ફિલ્મમાં ઈમરાન હાશ્મી અને શ્રિયા સરન મુખ્ય ભૂમિકામાં હતા. ૨૯ જૂન, ૨૦૦૭ ના રોજ રિલીઝ થયેલી આ ફિલ્મને તે સમયે બોક્સ ઓફિસ પર ખાસ પ્રતિસાદ મળ્યો ન હતો; જોકે, પછીના વર્ષોમાં તેણે 'કલ્ટ સ્ટેટસ' મેળવ્યું હતું. આ ફિલ્મનું મ્યુઝિક આલ્બમ આજે પણ સર્વશ્રેષ્ઠ માનવામાં આવે છે.
આ ફિલ્મની વાર્તા શિવમ પંડિત નામના એક કોન્ટ્રાક્ટ કિલરની છે, જેને તેના બોસની ગર્લફ્રેન્ડ પર નજર રાખવાનું કામ સોંપવામાં આવે છે. જોકે, જ્યારે તેને ખબર પડે છે કે તે યુવતી સેક્સ ટ્રાફિકિંગ (માનવ તસ્કરી) નો ભોગ બની છે, ત્યારે તે તેને તેના પ્રેમી સાથે મેળવવામાં મદદ કરવાનું નક્કી કરે છે. તેનો આ નિર્ણય તેને પ્રાયશ્ચિતના માર્ગ પર લઈ જાય છે, જ્યાં તેણે પોતાના હિંસક ભૂતકાળનો સામનો કરવો પડે છે અને તે યુવતીને આઝાદી અપાવવા માટે પોતાનું સર્વસ્વ દાવ પર લગાવી દે છે.
'આવારાપન ૨' વિશે
'આવારાપન ૨' માં ઈમરાન હાશ્મી ફરી એકવાર શિવમ પંડિતના રોલમાં જોવા મળશે, જે તેના કરિયરના સૌથી યાદગાર પરફોર્મન્સમાંથી એક રહ્યું છે. આ સિક્વલમાં દિશા પટણી અને શબાના આઝમી પણ મહત્વની ભૂમિકામાં છે. 'વિશેષ ફિલ્મ્સ' દ્વારા પ્રોડ્યુસ કરવામાં આવેલી અને નીતિન કક્કર દ્વારા નિર્દેશિત આ ફિલ્મ ૧૪ ઓગસ્ટ, ૨૦૨૬ ના રોજ સિનેમાઘરોમાં રિલીઝ થવાની છે.
