'Toxic' vs 'Dhurandhar 2', ક્લેશ ટાળવા નહીં; પણ આ કારણોસર Yashની ફિલ્મ થઈ શકે છે પોસ્ટપોન
છેલ્લું અપડેટ : 15 Feb 2026
સુપરસ્ટાર યશની આગામી ફિલ્મ 'ટૉક્સિક' ની રિલીઝ ડેટ લંબાઈ શકે છે. એક રિપોર્ટ અનુસાર, ફિલ્મ 19 માર્ચના બદલે હવે નવી તારીખે રિલીઝ થઈ શકે છે. આ પાછળના મુખ્ય કારણો નીચે મુજબ છે:
'ધુરંધર 2' સાથેની મોટી ટક્કર
આ વર્ષે માર્ચમાં બોક્સ ઓફિસ પર સૌથી મોટો મુકાબલો થવાનો હતો. રણવીર સિંહની 'ધુરંધર 2' અને યશની 'ટૉક્સિક' બંને 19 માર્ચના રોજ રિલીઝ થવાની હતી. ટ્રેડ એનાલિસ્ટ્સના મતે, બે મોટી ફિલ્મો એકસાથે આવવાથી કલેક્શન પર માઠી અસર પડી શકે તેમ હતી. હવે એવી ચર્ચા છે કે આ ક્લેશ ટાળવા માટે 'ટૉક્સિક' પાછી ઠેલાઈ શકે છે.
ઇંગ્લિશ રિલીઝ માટે સ્ટ્રેટેજીનો અભાવ
રિપોર્ટ અનુસાર, 'ટૉક્સિક' ને કન્નડ અને ઇંગ્લિશ ભાષામાં એકસાથે શૂટ કરવામાં આવી છે જેથી ગ્લોબલ ઓડિયન્સને ટાર્ગેટ કરી શકાય. પરંતુ ડિસ્ટ્રીબ્યુશનના સૂત્રોનું કહેવું છે કે હજુ સુધી ફિલ્મને ઇંગ્લિશમાં રિલીઝ કરવા માટે કોઈ મજબૂત પ્લાન તૈયાર નથી. આ ફિલ્મનું બજેટ ₹600 કરોડથી વધુ હોવાથી મેકર્સ કોઈ પણ ભૂલ કરવા માંગતા નથી.
હોલીવુડ ફિલ્મ 'હેલ મેરી'નો પ્રભાવ
20 માર્ચના રોજ વિદેશમાં 'હેલ મેરી' રિલીઝ થઈ રહી છે. ઓવરસીઝ માર્કેટમાં આ ફિલ્મને 80:20 ના રેશિયોમાં સ્ક્રીન્સ મળી રહી છે, એટલે કે મોટાભાગના થીએટર્સ આ ફિલ્મ પાસે હશે. આ સંજોગોમાં 'ટૉક્સિક' ને વિદેશમાં પૂરતી સ્ક્રીન્સ મળવી મુશ્કેલ દેખાઈ રહી છે.
એક્ઝિબિટર્સ દ્વારા 'ધુરંધર 2' ને પ્રાથમિકતા
શરૂઆતમાં એક્ઝિબિટર્સે બંને ફિલ્મોને સરખી સ્ક્રીન્સ આપવાનું વચન આપ્યું હતું. પરંતુ હવે ઉત્તર ભારત અને કર્ણાટકમાં પણ સિંગલ સ્ક્રીન થિયેટર માલિકો 'ધુરંધર 2' ને વધુ પ્રાથમિકતા આપી રહ્યા છે.
