નેટફ્લિક્સને લાગ્યો ઝટકો! 'Dhurandhar 2' હવે આ OTT પ્લેટફોર્મ પર થશે રિલીઝ
છેલ્લું અપડેટ : 05 Feb 2026
રણવીર સિંહ સ્ટારર ફિલ્મ 'ધુરંધર'ની સીક્વલ 'ધુરંધર: ધ રિવેંજ' (Dhurandhar The Revenge) સિનેમાઘરોમાં રિલીઝ થવા માટે તૈયાર છે. આ ફિલ્મ આવતા મહિને મોટા પડદા પર દસ્તક આપશે.
'ધુરંધર'ની લોકપ્રિયતા બાદ ફેન્સ તેની સીક્વલની આતુરતાથી રાહ જોઈ રહ્યા હતા. સારા સમાચાર એ છે કે આદિત્ય ધરે આ ફિલ્મની સીક્વલ માટે વર્ષો સુધી રાહ નથી જોવડાવી. પહેલી ફિલ્મની રિલીઝના માત્ર ચાર મહિના બાદ જ બીજો ભાગ પણ આવી રહ્યો છે.
નેટફ્લિક્સ પર નહીં આવે 'ધુરંધર 2'
એક તરફ 'ધુરંધર' OTT પ્લેટફોર્મ પર સમગ્ર વિશ્વમાં ટ્રેન્ડ કરી રહી છે, તો બીજી તરફ 'ધુરંધર 2'ની OTT રિલીઝ અંગે એક મોટું અપડેટ સામે આવ્યું છે. જેમ કે તમે જાણો છો કે, થિયેટર બાદ 'ધુરંધર' નેટફ્લિક્સ પર સ્ટ્રીમ થઈ રહી છે, પરંતુ તમે 'ધુરંધર 2' નેટફ્લિક્સ પર જોઈ શકશો નહીં.
ખરેખર, 'ધુરંધર 2' ના ડિજિટલ રાઈટ્સ અન્ય એક OTT પ્લેટફોર્મે ખરીદી લીધા છે. એક અહેવાલ મુજબ, મેકર્સે 'ધુરંધર 2' ની OTT રિલીઝ માટે લગભગ 150 કરોડ રૂપિયામાં સોદો ફાઈનલ કર્યો છે. જે પ્લેટફોર્મ સાથે આ ડીલ થઈ છે તે જિયો હોટસ્ટાર (Jio Hotstar) છે. થિયેટરમાં રન પૂરો કર્યા પછી ફિલ્મ જિયો હોટસ્ટાર પર સ્ટ્રીમ થશે.
કેમ નેટફ્લિક્સ પર નથી આવી રહી ફિલ્મ?
રિપોર્ટમાં જણાવાયું છે કે નેટફ્લિક્સ બંને ભાગના ડિજિટલ રાઈટ્સ 175 કરોડ રૂપિયામાં ખરીદવા માંગતું હતું. જોકે, એવું શક્ય બન્યું નહીં. નેટફ્લિક્સે પહેલી ફિલ્મના રાઈટ્સ અંદાજે 85 કરોડ રૂપિયામાં ખરીદ્યા હતા. હવે 'ધુરંધર'નો ક્રેઝ જોતા જિયો સ્ટુડિયોએ મોટી રકમ આપીને બીજા ભાગના રાઈટ્સ મેળવી લીધા છે. મેકર્સે સીક્વલના રાઈટ્સ બમણી કિંમતે એટલે કે 150 કરોડમાં વેચ્યા છે.
એવું કહેવામાં આવી રહ્યું છે કે 'ધુરંધર 2' આ વર્ષે મે મહિનામાં OTT પર આવી શકે છે. થિયેટર રિલીઝની વાત કરીએ તો, આ ફિલ્મ 19 માર્ચ 2026ના રોજ સિનેમાઘરોમાં રિલીઝ થઈ રહી છે.
