આ દક્ષિણ અભિનેતાના પુત્રની ડ્રગ્સ તસ્કરીના કેસમાં ધરપકડ થઈ

દક્ષિણના અભિનેતા મન્સૂર અલી ખાનના પુત્ર અલી ખાન તુગલકની તમિલનાડુ પોલીસે ડ્રગ હેરફેરના કેસમાં ધરપકડ કરી છે. અભિનેતાના પુત્રની અધિકારીઓ દ્વારા એક દિવસ પહેલા પૂછપરછ કરવામાં આવી હતી અને 4 ડિસેમ્બર, 2024 ના રોજ ધરપકડ કરવામાં આવી હતી.

સુત્રોના જણાવ્યા મુજબ, અભિનેતાના પુત્રની ડ્રગના વેપારમાં સંડોવણી બદલ કથિત રીતે ધરપકડ કરવામાં આવી હતી. અલી ખાનની ધરપકડ પહેલા, 10 અન્ય લોકોની પણ પોલીસે આ સંબંધમાં ધરપકડ કરી હતી.

આ પણ વાંચો : અમિતાભ બચ્ચને જણાવ્યું, કેમ યુવા દર્શકોને તેમનું આ ખાસ પાત્ર પસંદ આવ્યું

રિપોર્ટ મુજબ ગુનાના આરોપીઓમાં કોલેજના વિદ્યાર્થીઓ પણ સામેલ છે. તુગલકની સાથે, ત્રણ અન્ય, નામના- સ્યાદ સાકી, મોહમ્મદ રિયાસ અલી અને ફૈઝલ અહેમદને પણ પોલીસે અટકાયતમાં લીધા હતા. હાલ તમામ પોલીસ કસ્ટડીમાં હોવાથી તેની પણ તપાસ ચાલી રહી છે.

આ પહેલીવાર નથી કે મન્સૂર અલી ખાનનું નામ વિવાદોમાં આવ્યું હોય. જાહેર પ્લેટફોર્મ પર પોતાના આક્રોશભર્યા નિવેદનો અને ટિપ્પણીઓથી અભિનેતા ઘણીવાર મુશ્કેલીમાં મુકાયો છે. અગાઉના એક ઇન્ટરવ્યુમાં, મન્સૂર અલી ખાને અભિનેત્રી ત્રિશા ક્રિષ્નન વિરુદ્ધ ટિપ્પણીઓ કરી હતી જેણે લોકોમાં ખૂબ જ હલચલ મચાવી હતી.

એક ઇન્ટરવ્યુમાં, અભિનેતાએ કહ્યું, “ફિલ્મ નિર્માતાઓ હવે મને વિલનની ભૂમિકાઓ આપતા નથી. તેઓ મને બળાત્કાર કરવા દેતા નથી! હું લીઓની સક્સેસ મીટમાં આ વિશે વાત કરવાનો ઇરાદો ધરાવતો હતો, પરંતુ મેં એવું ન કર્યું કારણ કે મને લાગ્યું કે કેટલાક તેને વિવાદમાં ફેરવી શકે છે.”

આ પણ વાંચો : પુષ્પા ૨ માં કામ કરવા કયા સ્ટારે કેટલી ફી લીધી?

“જ્યારે મેં સાંભળ્યું કે હું ત્રિશા કૃષ્ણન સાથે અભિનય કરીશ ત્યારે હું ખૂબ જ ઉત્સુક થયો હતો. મેં વિચાર્યું કે, ચોક્કસ બેડરૂમ સીન હશે. જેવી રીતે મેં કુશ્બુ અને રોજાને પલંગ પર ફેંકી દીધા હતા, તેમ હું તેની સાથે પણ કરીશ. શું મેં મારી 150 ફિલ્મોમાં બળાત્કાર અને અત્યાચારના સીન નથી કર્યા! મેં ત્રિશાને પણ જોઈ નથી,” અભિનેતાએ ઉમેર્યું.

અભિનેતા દ્વારા લૈંગિક ટિપ્પણીઓની વ્યાપકપણે નિંદા કરવામાં આવી હતી જેમાં ત્રિશા કૃષ્ણન પોતે પણ સામેલ હતા જેમણે તેમની સામે બદનક્ષી માટે મદ્રાસ હાઈકોર્ટમાં કેસ પણ દાખલ કર્યો હતો.